वाङ्चुकलाई जबर्जस्ती आहार खुवाई उपचार गर्न माग गर्दै जनहित याचिका

सोनम वाङ्चुकलाई जबर्जस्ती आहार खुवाएर उपचार गर्न माग गर्दै दिल्ली उच्च अदालतमा जनहित याचिका दर्ता गरिएको छ।अनिश्चितकालीन आमरण अनशनमा रहेका सामाजिक अभियन्ता सोनम वाङ्चुकलाई तत्काल चिकित्सकीय उपचार उपलब्ध गराउन तथा आवश्यक परे जबर्जस्ती तरल आहार खुवाएर उनको ज्यान जोगाउन माग गर्दै दिल्ली उच्च अदालतमा जनहित याचिका (पीआईएल) दर्ता गरिएको छ। अधिवक्ता राकेश कुमार सैनीद्वारा दायर याचिकामा केन्द्र सरकार र दिल्ली सरकारलाई वाङ्चुकलाई तत्काल सरकारी अस्पतालमा भर्ना गरी आवश्यक पोषक तत्व, भिटामिन र खनिजयुक्त तरल आहार उपलब्ध गराउन अदालतले निर्देशन दिनुपर्ने माग गरिएको छ। याचिकामा वाङ्चुकको स्वास्थ्य अवस्था तीव्र रूपमा बिग्रिएको, उनको तौल करिब ८.५ किलोग्रामले घटिसकेको तथा अनशन जारी रहे आगामी केही दिनमै ज्यान जोखिममा पर्न सक्ने उल्लेख गरिएको छ। सोनम वाङ्चुक गत जुन २८ देखि नयाँ दिल्लीको जन्तर–मन्तरमा आमरण अनशनमा छन्। उनी कथित परीक्षा अनियमितता तथा नीट प्रश्नपत्र चुहावट प्रकरणलाई लिएर केन्द्रीय शिक्षामन्त्री धर्मेन्द्र प्रधानको राजीनामा माग गर्दै भइरहेको आन्दोलनमा सहभागी भएका हुन्। यसैबीच, दिल्ली उच्च अदालतले उक्त जनहित याचिकामाथि केन्द्र सरकार र दिल्ली सरकारसँग जवाफ माग्दै सुनुवाइ अगाडि बढाएको छ।