पोख्रेबोङ बजारको शान्तिटोलमा अवस्थित श्री मारुती नामक दोकानमा अज्ञात व्यक्तिले पैसाको गल्ला चोरी गरेको छ। दोकान सञ्चालक सूरज प्रधानका अनुसार बिहीबार बेलुकी चोरी भएको हो। घटनाको बेला दोकानमा कोही नभएको र सुरक्षा उपकरण, विशेषगरी सीसीटीभी जडान नगरिएको कारणले चोरको पहिचान गर्न कठिनाइ भइरहेको बताइएको छ। गत महिना मात्रै पोख्रेबोङमा सून चोरीको घटना भएको थियो। त्यही बीच फेरि अर्को चोरी घटना हुनु सुरक्षाको दृष्टिकोणले गम्भीर चुनौती भएको देखिन्छ। स्थानवासीले सुरक्षा व्यवस्था कडाइ गर्न स्थानीय प्रशासनसँग माग गरिरहेका छन्।
