दार्जीलिङ,20 जुन(निसं): पश्चिम बंगाल सरकारले वेस्ट बेंगाल सिभिल सर्भिस(ड्ब्लूबीसीएस) परिक्षामा नेपाली भाषालाई वैकल्पिक भाषाको सुचीमा अन्तर्भुक्त गरिदिएकोमा सभासद विनय तामाङले पश्चिम बंगाल सरकारप्रति हार्दिक आभार प्रकट गरेका छन्।यस विषयलाई आधिकारिक रूपमा पश्चिम बंगाल सरकारको राजपत्र सुचनामा प्रकाशित गरिएको छ भनी सभासद विनय तामाङले बताउदै अघि भनेका छन्, हाम्रो आवाजलाई हाम्रो निवेदन पत्रहरूलाई पश्चिम बंगाल सरकारले मान्यता दिई महत्वपुर्ण प्रशासनिक पहल गरिदिएकोले पश्चिम बङालमा बसोबासो गर्ने सम्पुर्ण नेपालीभाषी गोर्खाजातिमा खुशीको लहर छाएको छ। चयन बोर्ड अथवा प्यानल- मा नेपालीभाषी गोर्खा जातिका विशिष्ट विज्ञजनहरूलाई अवश्य पश्चिम बंगाल सरकारले स्थान दिइने विश्वस्त रहेको सभासद तथा पुर्व प्रमुख गोर्खाल्याण्ड क्षेत्रीय प्रशासन विनय तामाङले थपे।
t
