डा अम्बेडकर गाउँ ग्राम सुधार समिति खरसाङले 28 नम्बर चिमनी-देवराली समष्टिका सभासद श्याम शेर्पालाई उनले उक्त समाजलाई गरेको सहयोगको निम्ति समाजद्वारा आभार व्यक्त गर्दै सम्बर्द्धना जनाइयो। यस अवसरमा उनलाई श्रद्धार्पणसहित फूल गुच्छा, शल ओढाएर साथै सम्बर्द्धना पत्र प्रदान गरियो। कार्यक्रममा भारत रत्न डा. बाबा साहेब भीमराव अम्बेडकरको फोटोमा द्वीप प्रज्ज्वलनपछि विगत अहमदाबाद विमान दुर्घटनामा ज्यान गुमाएका यात्रीहरु अनि समाजका सदस्य स्वर्गीय अनुप राउतको आत्माले शान्तिको निम्ति एक मिनटको मौन धारण गरियो। समाजद्वारा गाउँका वरिष्ठ नागरिक काइली तामाङ अनि बुद्ध राउतलाई शल ओढाएर सम्मान गरियो। यसरी नै यस वर्ष माध्यमिक अनि आईसीएसईमा उत्तीर्ण भएका चारजना विद्यार्थीहरूलाई श्रद्धा अनि स्मृति चिन्ह दिएर सम्मानित गरियो भने गाउँमा यस वर्ष सबैभन्दा अधिक अंक ल्याउने एलेक्स हरिलाई पनि प्रोत्साहन गर्दै स्मृति चिन्ह प्रदान गरियो।
