पश्चिम बंगाल विधानसभा चुनावमा खरसाङ विधानसभा क्षेत्रवाट भाजपा उम्मेदवारको रुपमा विजयी बनेर विधायक बनेपछि विधायक सोनाम लामा सिटोङ क्षेत्रमा आईपुगेका थिए । गठबन्धन दलको मुख्य घटक दल गोर्खा जनमुक्ति मोर्चाको भातृ संगठन गोजयुमोको आयोजनामा सम्पन्न धन्यवाद ज्ञापन कार्यक्रममा सहभागी बन्न विधायक लामा सिटोङ आएका हुन् । सिटोङ -१ ग्रामपञ्च्यात स्थित घलेटार सार्वजनिक भवनमा सम्पन्न उक्त कार्यक्रममा गोजमुमो समष्टि अध्यक्ष सुनिल राईले कार्यक्रम अध्यक्षको भार बहन गरेका थिए । यसैगरि केन्द्रीय समिति प्रमुख प्रदिप मंगर भाजपा दार्जीलिङ जिल्ला सचिव श्याम बस्नेत समष्टि मण्डल दिवस मोहरा, गोजयुमो केन्द्रीय समिति सदस्य निश्चल राई भुपू सैनिक संगठनबाट बिएल राई आदिको उपस्थिति रहेको थियोे । कार्यक्रमलाई सम्बोधन गर्दै विधायक लामाले गत चुनावमा भाजपा प्रार्थीको रुपमा जाति र मुद्दालाई माया गर्दै मलाई सिटोङ लाटपञ्चर क्षेत्रवाट बहुमतले विजय बनाएकोमा म तपाईंहरुलाई भेटन र धन्यवाद भन्न आएको छु भने । तृणमुल सरकार अनि क्षेत्रिय सत्ताधारी पार्टीको धेरै लामो समयदेखि दमन शोषण र अत्याचार सहदै आईरहेका सिटोङ लगायत सम्पुर्ण पहाडवासी गोर्खे योद्धाहरुले अब उन्मुक्ति पाएको छ स्वतन्त्र खुल्ला परिवेश पाएको छ । यस्तो क्रुर शासन अन्त गर्नलाई भाजपा पार्टीलाई साथ दिने आम जनता एव सम्पुर्ण गठबन्धन दलहरु सबैप्रति धन्यवाद दिन चाहन्छु । अब डबल इञ्जिनको सरकारले सम्पुर्ण बंगाल साथै विशेष गरेर पहाड अनि गोर्खाजातिको निम्ति चुनाव अघिको बचनबद्धता अवशयै पुर्ण गर्ने ठोकुवा गर्दै अब जिटिएको आयु सकिन्दै गएको बताए । साथै जनताको हरेक समस्याको समाधान सिस्टम अनुरुप गर्दै जाने बताए । उक्त कार्यक्रमलाई युवा मोर्चा केन्द्रीय समिति प्रमुख निश्चल राई गोजमुमो केन्द्रीय समिति सदस्य प्रदिप मगरले सम्बोधन गरेका थिए भने भुपु सैनिक संगठनका अग्रज नेतृत्व प्रेम राईले स्वागत मन्तब्य राखेका थिए । गोजमुमो सिटोङ लाटपञ्चर समष्टिको पक्षवाट नवनिर्वाचित विधायक सोनाम लामालाई सम्बर्द्धना पनि जनाईएको थियोे । कार्यक्रम पछि विधायकले घलेटार सुस्वास्थ्य केन्द्रको पनि जायजा लिएर यहाँको आवश्यक कुराहरुमाथि जानकारी लिएका थिए ।
