जनताको बुनियादी सुविधा अनि हक-अधिकारको निम्ति सत्तासीन पार्टीको विरुद्धमा एवं जनहितमा आवाज उठाएर, खरसाङ क्षेत्रमा एउटा अलग्गै पहिचान बनाएको रामकृष्ण शर्मा उर्फ आरके शर्मामा मंगलवार भाजपा दार्जीलिङ सांसद राजु विष्ट अनि भाजपा दार्जीलिङ जिल्ला अध्यक्ष सञ्जीव लामाको बाहुलीबाट भाजपाको झण्डा ग्रहण गरेका छन्।
गत केहि महिना अघि आरके शर्मा इण्डियन गोर्खा जनशक्ति फ्रन्टमा संग्लग्न रहेको देखिएको थिए भने हालैमा अर्थात् गत 16 मईको दिन इण्डियन गोर्खा जनशक्ति फ्रन्ट पार्टीबाट तिनले राजीनामा दिएको थिए । सोही अनुरूप आज तिनी केन्द्र अनि राज्यको सत्तामा रहेको भाजपामा तिनी सामेल भएको छन्।
उक्त विषयमा हिमालय दर्पणद्वारा सोधिएकोमा आरके शर्माले बताए अनुसार, विधान सभा चुनाव अघि नै तिनले आईजीजेएफ पार्टीबाट राजीनामा दिने मन बनाई सकेको थिए । तर चुनावको समयमा तिनको राजीनामाले पार्टीलाई कुनै प्रकारको क्षति नहोस् भनेर गत 16 मईको दिन आधिकारिक रूपमा तिनले पार्टीबाट राजीनामा दिएको छन्।
तिनले थप जनाए अनुसार, जनमानसको हितमा जुन सोंच लिएर तिनी आईजीजेएफ पार्टीमा सामेल भएको थिए, त्यस्तो केही भएन । आईजीजेएफ पार्टीको कथनी अनि करणीमा तिनले फरक देखे साथै पार्टीमा एक्लो निर्णयमा जोर दिईएको देखियो। अर्थात् चुनाव अघि नै तिनी पार्टीबाट राजीनामा दिने मन बनाई सकेको एवं पार्टीलाई चुनावको अवधि तिनको कारणले कुनै प्रकारको क्षति नहोस् भनेर चुपचाप बसिरहेको थिए। खरसाङको जनमानसको हितमा तिनी विगतको कालो दिनमा जनताको हितमा जनताको आवाज बनेर कार्य गरेका थिए भने चुनावको परिणाम आएपछि पछि तिनले पहाड़ संगै बंगालमा पनि परिवर्तन देखे ।
अर्थात् जन मानसको हितमा आशा स्वरूप परिवर्तन भएर घाम उदाएको तिनले देखे । यस्तो परिस्थितिमा जन मानसको निम्ति केही गर्न पर्छ भनी सोंच राखेर साथै जनताको हक -अधिकार बहाली गर्न हेतू एवं जनतालाई अघि राख्ने उद्देश्यले तिनी आज भाजपा दार्जीलिङ सांसद राजु विष्ट अनि भाजपा दार्जीलिङ जिल्ला अध्यक्ष सञ्जीव लामाको बाहुलीबाट भाजपा पार्टीको झण्डा ग्रहण गरेको बताए । विगतमा पनि तिनी जनताको आवाज भएर अघि आएको थिए भने आउँदो दिनमा जनतालाई विभिन्न पक्षबाट अघि राख्न उद्देश्य साथ तिनी भाजपासित जोडिएको बताए।
