म “अनुप सुब्बा” ईण्डियन गोर्खा जनशक्ति फ्रण्ट” मिरिक थर्बु डुप्टिन २४ नम्बर समष्टि को सचिव तथा पी जी एस डी-१ , ग्राम पंचायत को उप-प्रधान हुनको कारणले हाल चलि रहेको जन आकांशा बिरोधी कार्यहरूलाई जनता माझ साझा गर्ने मेरो जिम्मेवारी बहन गर्दै एक बिशेष बिषय जनताहरू माझ राख्न गई रहेछु।
बिधान सभा चुनाव मा यस चोटि सम्पूर्ण पहाड़, तराई अनि डुवर्स का जनताले भारतीय जनता पार्टीको पक्षमा प्रचुर मात्रामा आफ्नो अमूल्य मत खसाली बंगालपन्थी मानसिकता बोकेका भारतीय गोर्खा प्रजातान्त्रिक मोर्चा तथा मोर्चा भित्र भएका भ्रष्टाचारी हरूलाई कुनै पनि हालमा पराजय गरि भ्रष्टाचार तथा भ्रष्टाचारीलाई जरादेखि नै उखेलेर फ्याँक्नुपर्छ भनि भारतीय जनता पार्टीलाई पाँचैवटा सिटहरू दिलाए।
पाँचै जना बिधायकहरू लाई जिताए पश्चात जनताहरू ढुक्क साथ बसेको मात्र के थियो र ….. भाजपाले आफ्नो पार्टी बिस्तार गर्न सुरू गरेर जनतालाई त्यहि तान्त्रिकभित्र रहेका पंचायत प्रधान, पंचायत सदस्य अनि पंचायत समिति सदस्यहरू सबैलाई पार्टीमा तान्ने काम गरिरहेको छ। के यसलाई भ्रष्टाचार साँच्चै नै जरैदेखि उखालियो भन्नु र ??? के अनित मात्रै भ्रष्टाचारी थियो र????
बिषय जटिल छ …. यहाँ भा गो प्र मो का शीर्ष नेताहरू मात्रै भ्रष्टाचार मा लिप्त थियो भन्नु सरासर गलत हुन्छ। भ्रष्टाचारी गाँव-गाँव का स-साना पदभारी हरू देखि लिएर माथिल्लो तहसम्म का पदाधिकारी छन् यसमा कुनै दुई मत छैन।
अब भाजपाले यसै पदाधिकारीहरूलाई आफ्नो पार्टीभित्र ल्याउनु भनेको “नयाँ बोतलमा पुरानै रक्सी” हाल्नु हो यसर्थ म “अनुप सुब्बा” सचिव “ईण्डियन गोर्खा जनशक्ति फ्रण्ट” मिरिक थर्बु डुप्टिन २४ नम्बर समष्टि तथा पी जी एस डी-१, ग्राम पंचायत उप-प्रधान , भाजपाको यस्तो जन आकांक्षा बिरोधी कार्यको भत्सर्ना गर्दछु। यस्तो कार्य जन बिरोधी हो यसलाई जनताले कदाचित स्वीकार गर्ने छैन।
