मिनिमम वेजेस अविलम्ब लागु गरिनु पर्छ: रविन प्रधान
श्रमिकहरूको समस्यालाई समाधान गर्न हामी सबै एकबद्व हुन पर्छ यो भनाई रविन प्रधानको हो।इण्डियन गोर्खा जन शक्ति फ्रण्ट,को श्रमिक संगठन हाम्रो हिल तराई डुवर्स चिया कमान श्रमिक संघले आज मिशन हिल चिया बगानमा 144 औ मई दिवस पालन गरयो। स्थानीय एक हलमा सम्पन्न भएको मई दिवस समारोहमा हाम्रो हिल तराई डुवर्स चिया कमान श्रमिक संघको अध्यक्ष अनुप छेत्री विशेष रूपमा उपस्थित रहेका थिए।त्यसरी नै अन्य नेतृत्वमा पार्टी तथा संघको प्रमुख सल्लाकार रविन प्रधान लगायत अन्य नेतृत्वहरू संग संगै समर्थकहरूको उपस्थिति रहेको थियो।
कार्यक्रमको शुभारम्भमा श्रमिक आन्दोलनमा शहीद भएका ती वीर शहीदहरूप्रति श्रद्वाजंलि अर्पण गर्दै दीप जलन तथा खदा अपर्ण आदि जस्ता कार्यहरू गरियो। आयोजित समारोहलाई सम्बोधन गर्ने क्रममा रविन प्रधानले अमेरिकाको शिखाकोमा भएको श्रमिक आन्दोलनको कारणले श्रमिकहरूले 8 घण्टा काम,8 घण्टा आराम र 8 घण्टा मनोरन्जनको सुविधा प्राप्त गरेका छन तर पनि श्रमिकहरूले भने जस्तो न्याय पाउन सकेको छैन।चिया बगानहरूमा कार्यरत श्रमिकहरूले 2 सय 30 रूपियाको रोजीमा दिनभरी काम गर्न पर्दैछ।
अहिलेको महगाईमा यति थोरै रोजीले श्रमिकहरूलाई आफ्नो घर परिवारको पालन पोषण गर्न धेरै गाहो पर्छ,त्यसकारण अविलम्ब मिनिमम वेजेस लागु गरिनु पर्छ भन्ने आफुहरूले विगत धेरै अधिदेखि मांग गर्दै आएको प्रधानले बताए।मिशन हिल चिया बगानको प्रबन्धकबर्गलाई हाम्रो हिल तराई डुवर्स चिया कमान श्रमिक संघको बारेमा जानकारी गराई सकेका छौ,चिया बगानमा कार्यरत श्रमिकहरूलाई कुनै प्रकारको असुविधाहरू परेको खण्डमा हाम्रो हिल तराई डुवर्स चिया कमान श्रमिक संघसंग सम्र्पक गर्ने अनुरोध प्रधानले गरेका छन्।
