आज प्रधानमन्त्री मोदीले नाम्ची जिल्लाको याङ्गाङमा १०० पलङयुक्त आयुर्वेद अस्पताल, गान्तोकको एमजी मार्गमा सद्भाव सदन, गान्तोकको रिज प्रिन्सिन्टको पुनर्विकासलगायत अन्य विभिन्न अन्य परियोजनाहरूको शिलान्यास गरे। यसका साथै उनले सिक्किमभरिका विद्यालयहरूमा आईटी परियोजनाहरूसँग सम्बन्धित शैक्षिक पूर्वाधारको कार्यान्वयनको शुरुआत गरे।
उनले गान्तोकस्थित हेलेन लेप्चा मेडिकल कलेज, लुम्सेमा जन सेवा सचिवालय, पश्चिम सिक्किमको सोरेङ जिल्लाको दोदकमा परिपर्यटन तीर्थस्थल परिसर, सिक्किमको विद्युत प्रसारण र वितरण सञ्जालको प्रणाली वृद्धि, नवीकरण, आधुनिकीकरण र सुदृढीकरण, पश्चिम सिक्किमको सोरेङ जिल्लास्थित च्याखुङमा नेताजी सुभाषचन्द्र बोस उत्कृष्टता केन्द्रको प्रशासनिक ब्लक (चरण १) लगायत अन्य पूर्वाधार उद्घाटन गरे।
प्रधानमन्त्री नरेन्द्र मोदी आफ्नो दुईदिने आधिकारिक भ्रमणमा सोमवार सिक्किम आइपुगेका छन्। लोक भवनमा सिक्किमका राज्यपाल ओम प्रकाश माथुरले प्रधानमन्त्रीलाई न्यानो स्वागत जनाए। राज्यपालले प्रधानमन्त्री मोदीलाई पुष्पगुच्छले स्वागत गरे भने परम्परागत स्मृति चिन्हको रूपमा ‘बौद्ध माणे’ र ‘थाङ्का’ प्रदान गरेको लोकभवनले प्रेस बयानमा बताएको छन्। यस अवसरमा राज्यपालले प्रधानमन्त्रीलाई सिक्किमको स्वर्ण जयन्ती समारोहको तयारीबारे जानकारी गराए।
सिक्किम राज्य स्थापनाको 50औँ वार्षिकोत्सवको समापन समारोहमा अंशग्रहण गर्न प्रधानमन्त्री नरेन्द्र मोदी सोमवार दिउँसो दुईदिने सिक्किम आइपुगेका थिए। यस अवसरमा उनीसँग मुख्यमन्त्री पीएस गोले र भाजपा सिक्किमका अध्यक्ष डीआर थापा पनि उपस्थित रहेका थिए।
