भागोप्रमो उम्मेद्वारद्वारा चुनाउ वाचा पत्र सार्वजनिक

दार्जीलिङ, 19 अप्रेल (निसं): यसपालिको बंगाल विधानसभा चुनाउमा दार्जीलिङ, खरसाङ अनि कालेबुङमा भारतीय गोर्खा प्रजातान्त्रिक मोर्चा (भागोप्रमो)-ले बेग्ला बेग्लै चुनावी वाचा पत्र (घोषणा पत्र) सार्वजनिक गर्ने भएको छ । यसै क्रममा दार्जीलिङका भागोप्रमो उम्मेद्वार विजय कुमार राईले आज दार्जीलिङको निम्ति चुनाउ वाचा पत्र (घोषणा पत्र)- सार्वजनिक गरे। यस अवसरमा भागोप्रमो के न्द्रीय सहसचिव ज्याति कुमार राईलगायत अन्य नेतृत्वहरू उपस्थित थिए । दार्जीलिङको जनताको निम्ति १९ वटा बुँदाहरू घोषणा पत्रमा समावेश गरिएको छ । जसमा रोजगार अनि व्यावसायिक तालिम, पञ्चायती व्यवस्थाको सुदृढ़ीकरण, चियाबारी अनि सिन्कोनाबारी, कृषक अन कृषि क्षेत्र, बन बस्ती. डीआई फण्ड आदिको पर्जापट्टा, सहकारी समिति अनि सेवा कर्मीहरूको अधिकार रक्षा, नयाँ ब्लक र महकुमा गठनको पहल, दार्जीलिङ नगरपालिकाको बढ़ोत्तरी र सुन्दरीकरण, यातायात, ट्राफिक र स्थानीय व्यवस्था, खेलकुद अनि स्टेडियमको निर्माण, रोपवे निर्माण र फ्री वाईफाई जोनको सुविधालगायत अन्य सामेल छ । विजय कुमार राईले घोषणा पत्रमा उल्लेख गरिएको बुँदाहरू पढ़ेर सुनाए।