राज्यमा जोसुकैले सरकार गठन गरोस् तर हामी सबैसंग डिप्लोमेसी सम्बन्ध राख्छौ, डिप्लोमेसी भनेको दासत्व स्वीकार्नु होइन। यो भनाई अजय एडवडर्सको हो।इण्डियन गोर्खा जन शक्ति फ्रण्ट,ले दार्जीलिङ पहाडको तीनवटा आसनहरूसंग संगै तराईको आसनहरूमा पार्टी उम्मेद्वार उठाएको छ। जसमा दार्जीलिङ विधानसभा आसनबाट पार्टीले अजय एडवडर्सलाई चूनावमा उठाएको छ। अजय एडवडर्सले आफ्नो चुनावी प्रचार प्रसारलाई तीव्र रूप दिन्दै आएका छन्।यसैक्रममा आज उनले घूम जोरबंगला समष्टिमा आफ्नो चुनावी प्रचार प्रसार गरे। यस अवधि उनलाई स्थानीय बासिन्दाहरूले श्रद्धा लगाउँदै भब्य स्वागत जनाए।
जोरबंगला ट्राफिकबाट मानिसहरूलाई सम्बोधन गर्ने क्रममा राज्यमा जोसुकैले सरकार गठन गरोस् तर हामी सबैसंग डिप्लोमेसी सम्बन्ध राख्छौं अनि डिप्लोमेसी भनेको दासत्व नभएको अजय एडवाडर्सले बताए। पहाडको नेताहरूले ठूल्ठूलो कुराहरू हाँक्छ तर मदेशमा एउटा उम्मेद्वार समेत उठाउन सक्दैन। तर इण्डियन गोर्खा जन शक्ति फ्रण्टले तराईहरूको विधानसभा आसनहरूमा पनि पार्टी उम्मेद्वार उठाएको छ।
सिलगढीको विधान मार्केट, हिल कार्ड रोड, गुरूङ बस्ती,दप्रधान नगर आदि क्षेत्रहरूमा पनि अब गोर्खाको झण्डा फर्फराउँदैछ।विहारी, मारवाडी समुदायलाई बीजेपी काम लाग्दैन, देशको चुनाव अर्को चुनाव हो, त्यो चूनावमा म विहारी, मारवाडी समुदायलाई अनुरोध पनि गर्दिन। तर अब हुँदै गरेको चुनाव विधानसभाको चुनाव हो, तपाईंहरूको अमित शाह यहाँ आएर तपाईंहरूसंग भला कुसारी गर्दैनन्, तपाईंहरूलाई अजय एडवडर्सकै प्रतिनिधि चाहिएको हो, त्यसको लागि म आफै उभिएको हो एडवडर्सले बताए।ठूल्ठूलो राजनैतिक पार्टीहरूले भोजपूरी समुदायलाई टिकट दिएको थिइन। तर इण्डियन गोर्खा जन शक्ति फ्रण्टले सिलगढीमा भोजपूरी समुदायलाई टिकट दिएको अजय एडवडर्सले बताए।
