सिलगढीमा ममता ब्यानर्जीको पदयात्रा, प्रशासन र पार्टीको तयारी तीब्र

पश्चिम बंगालकी मुख्यमन्त्री ममता ब्यानर्जीले सिलगढीमा पदयात्रा गर्ने कार्यक्रम रहेको छ। उक्त पदयात्रा टिएमसीका उम्मेदवारको समर्थनमा आयोजना गरिन लागेको हो। यसलाई मध्यनजर गर्दै प्रशासन र पार्टी दुवैले व्यापक तयारी सुरु गरेको जनाएको छ। सूत्रअनुसार, पदयात्रामा ठुलो संख्यामा समर्थकहरुको सहभागीता रहने अपेक्षा गरिएको छ। कार्यक्रमलाई सफल बनाउन पार्टी कार्यकर्ताहरु सक्रिय रुपमा मैदानमा उत्रिएका छन् भने सुरक्षा व्यवस्थालाई पनि कडा बनाइएको छ।सिलगढीका विभिन्न क्षेत्रमा पदयात्रा सञ्चालन हुने बताइएको छ, जसले आगामी चुनावी माहोललाई थप तातेको बनाउने विश्वास गरिएको छ। यसअघि पनि ममता बनर्जीले विभिन्न स्थानमा पदयात्रा गर्दै आफ्नो पार्टीको पक्षमा माहोल बनाउन प्रयास गर्दै आएकी छन्। प्रशासनले ट्राफिक व्यवस्थापनदेखि सुरक्षा व्यवस्थासम्मका सबै तयारी पुरा गरिरहेको जनाएको छ। स्थानीय स्तरमा पनि यस कार्यक्रमलाई लिएर उत्साह देखिएको छ।