गोजमुमो अध्यक्ष बिमल गुरुङले गरे फूबसेरिङ पान्दम समष्टिको भ्रमण

गोजमुमो अध्यक्ष श्रीमान बिमल गुरुङले क्षेत्र क्षेत्रमा आफ्नो समर्थकहरू संग भेटघाट गरि जनताको दुखेसोहरूलाई सुनेर समाधान गर्नुपर्छ भनी थालिएको जनसम्पर्क अभियान आज फूबसेरिङ पान्दम समष्टि अन्तर्गत फूबसेरिङ चिया कमान गाउँ नम्बर 3 अनि 4 नम्बर गाउँको भ्रमण गरे। आजको भ्रमण कार्यक्रममा गोजमुमो अध्यक्षले 4 नम्बर परिसरमा स्थापित श्री कृष्ण मन्दिर परिसरको दर्शन गरे, स्थानीय बासिन्दाहरूले पनि सबै एक भएर सामूहिक समस्याहरूलाई मोर्चा अध्यक्ष विमल गुरुङअघि राखेका थिए। गोजमुमो अध्यक्ष गुरुङको उक्त भ्रमण अवधि धेरै खुशी देखिएका स्थानीय बासिन्दाहरूको साथमा गोर्खा जनमुक्ति मोर्चा फूबसेरिङ समष्ठिका सचिव कुन्दन राई, उपाध्यक्ष किशोर छेत्री युवा मोर्चा अध्यक्ष हरि राई सचिव अमीन प्रधानको साथमा अन्य सदस्यहरूको पनि उपस्थिति रहेको थियो। स्मरण रहोस् गोजमुमो अध्यक्ष बिमल गुरुङको आजको फूबसेरिङ भ्रमण कार्यक्रमको पूर्ण भार निर्वाचित पञ्चायत सदस्य गोर्खा जनमुक्ति युवा मोर्चा केन्द्रिय उपाध्यक्ष सचिन ठकुरीले गरेका थिए।