स्व.लक्ष्मण श्रीमल,स्व.समीरन छेत्री,श्रीमती सुषमा गुरुङ तथा डा. जीवन राणाको अथक प्रयास पछि सन् २०११ को वसन्त पञ्चमीका दिन शुरुवात भएको चम्पासरी नेपाली साहित्य परिषदले ३०औं मासिक अंक २८ मार्च२०२६, शनिवारका दिन भव्यताका साथ चम्पासरी बाबुबासा स्थित श्री दुर्गा मन्दिर प्रांगणमा सुसम्पन्न गर्यो। भेलाको अध्यक्षता संस्थाकै अध्यक्ष श्रीमती सुषमा गुरुङले गरेकी थिइन्। प्रमुख अतिथिको रुपमा डा. जीवन राणा तथा विशिष्ट अतिथिको रुपमा श्रीमान मनोज एकलकाँटेको उपस्थिति थियो।
अतिथिको रुपमा सर्वश्री शशीधर शर्मा, लीला बिष्ट, लीला छेत्री थापा, धनकुमारी उप्रेती, अन्जु थापा, पवित्रा छेत्री, पण्डित दामोदर बास्तोला रहेका थिए। दीप प्रज्ज्वलन तथा मंगल्लाचरणपछि लीला जोशीले स्वागत भाषण गरेकी थिइन्।यस मार्च महिनामा जन्म तिथि तथा पूण्यतिथि पर्ने सर्जकहरुलाई सम्झना तथा एकमिनट मौन धारण गर्दै सम्मान प्रकट गरियो।कार्यक्रममा मनोज एकलकाँटे, मोहन अधिकारी, नीरा भट्टराई, तिलोत्तमा शर्मा, लीला जोशी, सन्जीव श्रीमल तथा प्रदिप खतिवड़ाले कविता तथा निर्मला न्यौपाने र सुशाीला शर्माले भजन प्रस्तुत गरेर भेलाको शोभा बढाएका थिए।
प्रमुख अतिथि डा.जीवन राणाले आफ्नो वक्तव्यमा चनेसपालाई बहुमुल्य सुझाव दिंदै मासिक भेलामा वाचन गरिने कविता, कथा आदिलाई समेटेर आगामी ५०औं अंकमा चम्पासरी नेपाली साहित्य परिषदले एउटा पत्रिका प्रकाशन गर्नु पर्नेमा जोड़ दिए। त्यसरीनै चनेसपाका कार्यकारी अध्यक्ष कर्णल केशव राईले आफ्नो जन्मथलो, बुवा तथा आफ्नो बाल्यकालको सुन्दर वर्णन गरे। लीला थापा छेत्रीले ॐको बारेमा जानकारी दिइन्। ‘चनेसाप’ का सचिव प्रदिप खतिवड़ाद्वारा सञ्चालित कार्यक्रमको अन्तमा अध्यक्ष सुषमा गुरुङले आफ्नो वक्तव्यमा साहित्यमा सबैलाई समेटेर लैजानु पर्नेमा जोड़ दिंदै भेलामा उपस्थित महानुभावहरूलाई एकमुष्ठमा धन्यवाद ज्ञापन गरिन्।।
