पश्चिम बंगाल विधानसभा चुनाव २०२६ नजिकिँदै जाँदा भारतीय जनता पार्टी का राज्य अध्यक्ष सामिक भट्टाचार्यले भारतीय मुस्लिमहरूलाई लिएर महत्वपूर्ण बयान दिएका छन्। Times of India मा प्रकाशित समाचारअनुसार उनले BJP लाई भारतीय मुस्लिमहरूको विरुद्ध भएको आरोप अस्वीकार गर्दै “भारतीय मुस्लिमहरूसँग हाम्रो कुनै विरोध छैन, उनीहरूलाई मतदान गर्ने पूर्ण अधिकार छ” भनेका छन्। समाचारअनुसार उनले भारतीय मुस्लिम र अवैध घुसपैठबीच फरक रहेको स्पष्ट पार्दै पार्टीको नीति “डिटेक्ट, डिलिट एन्ड डिपोर्ट” रहेको बताएका छन्। उनले विशेष गरी बङ्गलादेश र रोहिङ्ग्या मुस्लिमहरूको अवैध प्रवेशका कारण राज्यको जनसांख्यिक संरचना परिवर्तन हुन सक्ने भन्दै BJP त्यसको विरोधमा कडा रूपमा उभिने बताएका छन्। यसै क्रममा उनले मुख्यमन्त्री ममता बनर्जीको पनि आलोचना गर्दै प्रधानमन्त्री नरेन्द्र मोदीबारे दिइएको टिप्पणी उचित नभएको बताएका छन्। उनले BJP शान्ति र राष्ट्रिय एकताका पक्षमा रहेको दाबी गर्दै अटल बिहारी वाजपेयीदेखि नरेन्द्र मोदीसम्म सबैले सधैं शान्तिको सन्देश दिएको बताएका छन्। राजनीतिक रूपमा संवेदनशील बनेको पश्चिम बंगालमा मुस्लिम मतदाताको भूमिका निकै महत्वपूर्ण मानिन्छ। त्यसैले चुनाव नजिकिँदै जाँदा BJP ले भारतीय मुस्लिमहरूलाई लक्षित सन्देश दिन खोजेको र अवैध घुसपैठको विषयलाई प्रमुख चुनावी मुद्दाका रूपमा अघि बढाइरहेको राजनीतिक विश्लेषकहरूको भनाइ पनि समाचारमा उल्लेख गरिएको छ।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
