पश्चिम बंगालको फाँसिदेवा विधानसभा क्षेत्रमा राजा मार्ग (National Highway 27) मा स्थानीय आदिवासी चिया बगैचा मजदूरहरूले ठूलो प्रदर्शन गरेका छन्। तिनीहरूले रिना टोप्पो एक्का को उम्मेदवारी खारेज गरी रोमा रेश्मी एक्का लाई पार्टीले प्रतिस्थापन गर्नुपर्ने जोरदार माग गरेका छन् प्रदर्शनकारी मजदूरहरू डंगापारा नजिकै साँझ भएका प्रदर्शनीमा जम्मा भई राष्ट्रिय राजमार्ग अवरुद्ध गरेपछि राज्यका लागि महत्वपूर्ण जीवनरेखा मानिएको २७ नम्बर राजमार्गमा लामो समयसम्म यातायात ठप्प भएको थियो। प्रदर्शनकारीहरूले सरकार र पार्टी नेतृत्वलाई स्पष्ट रूपमा ‘स्थानिय जनताको चाहना पूरा नगरेमा अन्य बाटो अपनाउन बाध्य हुने’ चेतावनी दिएका छन्।
कार्यक्रममा सहभागी मजदूरहरूका अनुसार, रोमा रेश्मी एक्का गाउँ–गाउँमा जनताको पीडा–दुःखमा निरन्तर साथ दिंदै आएकी छिन्, जबकि रिना टोप्पो एक्का परिचित नभएकाले स्थानीयले उनलाई मान्न नसकेको बताए। तर तृणमूल कांग्रेसका को–अर्डिनेटर काजल घोषले यस विरोधलाई “समय–अवसर अस्थिर बनाउने कदम” भन्दै सन्चो रुपमा लिन नमानेका छन् र पार्टी नेतृत्वले सबै पक्ष विचार गरी नाम घोषणा गरेको बताए। यसैबीच, विरोधलाई लिएर भा.ज.पा (BJP) का उम्मेदवार दुर्गा मुर्मुले टिप्पणी गर्दै भनेका छन् कि “तृणमूलभित्रको झगडा सडकसम्म आइ पुगेको छ – यो जनताले आगामी निर्वाचनमा यसको कडा उत्तर दिनेछ।”
