राजगञ्जको करटोया नदीमा अष्टमीको पवित्र स्नानका लागि भक्तजनको भीड

जलपाईगढी जिल्ला अन्तर्गत राजगञ्जको करटोया नदीमा अष्टमीको पवित्र स्नानका लागि भक्तजनको भीड, ५७ औँ वर्षको परम्परा मनाइयो। उक्त नदीमा अष्टमीको पवित्र स्नानका अवसरमा हजारौँ भक्तजनको भीड लागेको थियययो। प्रत्येक वर्षझैँ यस वर्ष पनि पारम्परिक रूपमा अष्टमीको दिन पवित्र स्नान गर्न स्थानीय बासिन्दासहित विभिन्न ठाउँबाट आएका भक्तजनहरू बिहानैदेखि नदी किनारमा भेला भएका थिए। यस वर्ष उक्त धार्मिक कार्यक्रमको ५७ औँ वर्ष मनाइएको बताइएको छ।समाचारअनुसार करटोया नदीमा हुने अष्टमी स्नान यहाँको निकै पुरानो धार्मिक परम्परासँग जोडिएको छ। विशेषगरी हिन्दू धर्मावलम्बीहरू अष्टमीको दिन नदीमा स्नान गर्दा पाप नष्ट हुने र मनोकामना पूरा हुने विश्वासका साथ ठूलो सङ्ख्यामा सहभागी हुने गरेका थिए। बिहान सबेरैदेखि नै भक्तजनहरू नदी किनारमा पुगेर स्नान गरेका थिए भने धेरैले पूजा–पाठ गरेका थिए।