रसाङ, (मोहन प्रसाद) हालैमा सिक्किम सहित दार्जीलिङ पहाड़को सन्दकफू क्षेत्रमा भएको व्यापक हिमपात साथै हिमपातको साथमा दार्जीलिङ पहाड़को विभिन्न क्षेत्रमा रोकिँदै भइरहेको वर्षाले, क्षेत्रमा पुन: जाड़ोको मौसमको फर्कि आएको जस्तो भएको छ।
दार्जीलिङ पहाड़को विभिन्न क्षेत्रहरूमा गत केहि दिन देखि रोकिँदै भए पनि लगातार रूपमा वर्षा भइरहेको छ। वर्षा संगै चिसो हावा पनि चलिरहेको छ भने समय समयमा बाक्लो कुहिरे पनि लागिएरहेको छ।
फलस्वरूप, मौसममा परिवर्तन आएको यो अप्रत्यासित परिवर्तनपछि खरसाङ, दार्जीलिङ संग्लग्न क्षेत्रमा पुनः चिसो मौसमको अनुभव मानिसहरूले गरिरहेका छन्। वर्षा संगै चिसो हावाको कारण, पहाड़स्थित शहर बजारहरूमा मानिसको संख्यामा केही कमी देखिएको छ। मानिसहरूले गरम कपड़ा लगाइरहेको छन् भने कतिपयले दाउरा, हिटर, अँगेटी बालेर तापेको पनि देखिएको छ। जाड़ो मौसम जस्तै एकपल्ट फेरि पनि चिसो हावा चलेकोले धेरै जस्ता मानिसहरू पुन: तातो लुगा-फाटा एवं तातो टोपी लगाएको देखिएको छ। रोकिन्दै भएको वर्षाको कारण मानिसहरूले समस्याको सामना गर्न परिरहेको छ। चैतको महिनामा चिसो मौसम त्यसमाथि वर्षाको कारण धेरै मानिसहरूले दिक्क मानिरहेका छन्।
