पिङ्क सिटी रनर सेवा गान्तोकमा औपचारिक रूपमा सुरु गरिएको छ। महिलाहरूका लागि सुरक्षित र भरपर्दो यात्रा सुविधा उपलब्ध गराउने उद्देश्यका साथ यो सेवा सुरु गरिएको हो। यसअघि माननीय मुख्यमन्त्री प्रेमसिंह तामाङले घोषणा गर्नुभएको उक्त योजना अब कार्यान्वयनमा आएको छ कार्यक्रमलाई सम्बोधन गर्दै मुख्यमन्त्री Pतामाङले महिलाको सुरक्षा र सशक्तीकरण सरकारको प्रमुख प्राथमिकता रहेको बताउनुभयो। विशेषगरी काम गर्ने महिला, विद्यार्थी तथा दैनिक रूपमा आवतजावत गर्ने महिलाहरूलाई ध्यानमा राखेर पिङ्क सिटी रनर सेवा सुरु गरिएको उहाँले स्पष्ट पार्नुभयो। सरकारी स्रोतका अनुसार यो सेवाले महिलाहरूलाई सुरक्षित, सहज र विश्वासिलो यात्रा सुविधा प्रदान गर्ने लक्ष्य राखेको छ। बिहान सबेरै र बेलुका ढिलोसम्म यात्रा गर्नुपर्ने महिलाहरूलाई सहज बनाउने उद्देश्यले यो सेवा सुरु गरिएको जनाइएको छ। यसलाई महिलामैत्री सार्वजनिक यातायात व्यवस्था स्थापना गर्ने दिशामा महत्वपूर्ण कदमका रूपमा हेरिएको छ। पिङ्क सिटी रनर सेवा गान्तोकमा सुरु भएसँगै राज्य सरकारले महिलाको सुरक्षालाई प्राथमिकता दिँदै सहरी यातायातलाई थप व्यवस्थित बनाउने प्रयास गरिरहेको स्पष्ट भएको छ। स्थानीय बासिन्दा तथा विशेषगरी महिला यात्रुहरूले यस कदमको स्वागत गरेका छन् र यसले शहरलाई थप सुरक्षित र महिलामैत्री बनाउने विश्वास व्यक्त गरेका छन्।
