भारतीय क्रिकेट टोलीका कप्तान गोहित शर्माले हालैका आइसीसी प्रतियोगिताहरूमा टोलीले हासिल गरेको सफलताले अझै ठूलो उपलब्धिको सुरुआत मात्र भएको बताएका छन्। उनका अनुसार भारतीय टोली अहिले उत्कृष्ट लयमा रहेको छ र आगामी दिनहरूमा अझ धेरै उपलब्धि हासिल गर्ने क्षमता टोलीसँग छ। रोहितले पछिल्ला केही वर्षहरूमा भारतीय टोलीले आइसीसी प्रतियोगिताहरूमा निरन्तर राम्रो प्रदर्शन गर्दै आएको उल्लेख गरे। उनले टोलीमा अनुभवी खेलाडीसँगै युवा खेलाडीहरूको राम्रो संयोजन रहेको र यसले भविष्यका प्रतियोगिताहरूमा भारतलाई थप मजबुत बनाउने विश्वास व्यक्त गरे।कप्तान रोहितका अनुसार टोलीले प्रत्येक खेललाई नयाँ अवसरका रूपमा लिएर मेहनत गरिरहेको छ। उनले खेलाडीहरूबीचको समन्वय, अनुशासन र कडा अभ्यासका कारण टोलीले सकारात्मक नतिजा हासिल गरिरहेको बताए।
उनले भने, “हामीले पछिल्ला प्रतियोगिताहरूमा राम्रो प्रदर्शन गरेका छौँ, तर यो अन्त्य होइन। यो त केवल सुरुआत मात्र हो। हामी आगामी प्रतियोगिताहरूमा अझ राम्रो प्रदर्शन गर्ने लक्ष्यका साथ अघि बढिरहेका छौँ।” रोहितले समर्थकहरूको निरन्तर साथ र विश्वासका कारण पनि टोलीलाई थप प्रेरणा मिलिरहेको बताए। उनका अनुसार भारतीय क्रिकेट टोली आगामी अन्तर्राष्ट्रिय प्रतियोगिताहरूमा पनि उत्कृष्ट प्रदर्शन गर्दै देशलाई गौरवान्वित बनाउने लक्ष्यका साथ मैदानमा उत्रिनेछ।
