भारतीय गोर्खा प्रजातान्त्रिक मोर्चा केन्द्रीय समितिका अध्यक्ष, अनित थापाले प्रेस विज्ञप्ति जारी गर्दै आगामी २३ अप्रिल २०२६ मा हुन गइरहेको पश्चिम बंगाल विधानसभा निर्वाचनमा क्षेत्रीयताको आवाजलाई सशक्त बनाउन भारतीय गोर्खा प्रजातान्त्रिक मोर्चाका आधिकारिक उम्मेद्वारहरूको नाम औपचारिक रुपमा घोषणा गरेका छन्ः जसमा २२-कालिम्पोङ विधानसभा समष्टिका लागि रूदेन सादा लेप्चा, २३-दार्जीलिङ विधानसभा समष्टिका लागि विजय कुमार राई अनि २४-खरसाङ विधानसभा समष्टिका लागि अमर लामा रहेका छन्।
पहाडका जनताका यी उम्मेद्वारहरूलाई अनित थापाले आफ्नो पक्षबाट तर्फबाट हार्दिक शुभकामना व्यक्त गरेका छन्।
कालिम्पोङका उम्मेद्वार रुदेन सादा लेप्चा योभन्दाअघि पनि भारतीय गोर्खा प्रजातान्त्रिक मोर्चाका विधायक रहिआएका हुन्। उनले आफ्नो पक्षबाट क्षेत्रको विकासका लागि विभिन्न कार्यहरू गर्दै आएका थिए। दार्जीलिङ विधानसभा समष्टिका लागि विजय कुमार राई भने पहिलोपटक उम्मेद्वारका रुपमा मैदानमा आएका छन्। उनी एकजना साहित्यकार, समाजसेवी र गोर्खाल्यान्ड क्षेत्रीय प्रशासनको शिक्षा विभागमा शिक्षा विभागका अधिकारी हुन्।
अर्कोतिर २४-खरसाङ विधानसभा समष्टिका उम्मेद्वार अमर लामा अधिवक्ता र भारतीय गोर्खा प्रजातान्त्रिक मोर्चाको केन्द्रीय समितिका महासचिव हुन्।
चुनावको मितिको घोषणा हुनेसाथ भारतीय गोर्खा प्रजातान्त्रिक मोर्चाले आफ्ना उम्मेद्वारहरूको औपचारिक रुपमा घोषणा गरेको छ। यसका साथै पार्टीले केही समयअघिदेखि नै अमर लामा र विजय कुमार राईलाई लिएर आ-आफ्नो क्षेत्रमा प्रचार-प्रसार गर्दै आइरहेको छ।
