ऋण नतिरेको बताउँदै स्टेट ब्यांक अफ् सिक्किमले नोएल शर्मा र सीसी साङ्दार्पाको घर जफ्त गऱ्यो। ऋण नतिरेपछि स्टेट बैङ्क अफ सिक्किमले गान्तोक लिङ्दिङमा रहेको नोएल शर्माको घर जफ्त (अटेच) गरेको छ।
प्राप्त जानकारी अनुसार, नोएल शर्माले सन् 2019 मा ₹ 2 crore मूलधन ऋण लिएका थिए भने सन् 2021 मा थप ₹ 1 crore लिएका थिए। निर्धारित समयमा ऋण भुक्तानी गर्न असफल भएपछि ब्यांकले उनको लिङ्दिङस्थित घरमाथि जफ्त प्रक्रिया अघि बढ़ाएको हो। कानूनी प्रक्रिया अनुसार उक्त सम्पत्तिमाथि कार्वाही शुरु गरेको ब्याङ्कले जनाएको छ।
यसैगरी, अर्कोतिर सिक्किम सरकारको वन विभागकी पूर्व अध्यक्ष सीसी साङ्दार्पाको घर पनि बुधवार स्टेट ब्यांक अफ् सिक्किमले जफ्त गरेको छ। अप्पर सिच्छेमा रहेको उनको घर ऋण नतिरेकै कारण ब्यांकले जफ्त गरेको हो।
जानकारी अनुसार, सम्बन्धित ऋणीले सन् 2009 मा ₹ 1.20 करोड ऋण लिएकी थिइन्। लामो समयसम्म बक्यौता रकम भुक्तानी गर्न असफल भएपछि ब्यांकिङ नियमावली अनुसार उक्त सम्पत्तिमाथि जफ्त प्रक्रिया अघि बढ़ाइएको ब्यांकले जनाएको छ। अब ऋणीहरूले निर्धारित ऋण नतिरेसम्म यी घरहरू ब्यांककै अधीनमा हुन्छ, वा कुनै सम्झौतामा छोडिदिनेछ, यसबारेमा सूचना आउन बाँकी रहेको छ।
