खरसाङ, (निसं)ः खरसाङका विधायक विष्णु प्रसाद शर्मा उर्फ बीपी बजगाईँले मध्य पूर्वको देशहरूमा रहेका हजारौँ भारतीय नागरिकहरूको सुरक्षालाई शुनिश्चित गरियोस भनी माग गरेका छन्। उक्त माग गर्दै तिनले भरत सरकारको विदेश मन्त्रालय अन्तर्गत रहेको प्रवासी मामिला विभागकी सचिव सुप्रिया रङ्गनाथनलाई पत्रचार गरेका छन्।बजगाईँले यस बारेमा जानकारी गराउदै भनेका छन्, वर्तमानमा इरान, इज्राइल अनि अमेरिकामाझ मध्य पूर्वमा चलिरहेको लगतार विध्वंशक आक्रमणको कारण त्यहाँ रहेका हजारौँ भारतीय नागरिकहरूको सुरक्षा र कुशलताको विषया म चिन्तित छु।
वर्तमानमा इरानमाथि लगतार आक्रमण भइरहेको छ, इरानले पनि निरन्तर इज्राइल अनि अमेरिकन महत्वका स्थानहरूलाई लक्ष्य गरेर मिजाइल अनि ड्रोन आक्रमण गरिरहेको छ। इरान, इज्राइल, युएई, आबुधाबी, कतार, साउदी अरबीया, कुवेत, बहरीनका मुख्य हवाई अड्डा बन्द गरिएका छन् वा त कठोर निषेधाज्ञ लागु गरिएको छ। यसको कारण धेरै संख्यामा भारतीय प्रवासी कामदार, विद्यार्थी, पेशेवार व्यक्ति अनि तिनीहरूका परिवारका सदस्यहरू सुरक्षित फर्कन सकिरहेका छैनन्। तिनीहरू मध्ये धेरैले खानाको अभावको सामना गर्न परिरहेका छन्, सुरक्षित आवास, स्वस्थ्य उपचारको सामना गर्न परिरहेका छन्। तिनीहरूको सुरक्षाको खतरा बढ़िरहेको छ।
बजगाईँले अघि भनेका छन्, यस बारेमा मैले मेरो विधानसभा समष्टि क्षेत्रका सम्बन्धित अनि परिवारका सदस्यहरूबाट यसको जानकारी प्राप्त गरेको छु। जसमा युएईमा घाइते बनेका एक भारतीयको जानकारी पनि मसित छ। यस्तो संकटको अवस्थमा भारत सरकारले आफ्नो नागरिकहरूको सुरक्षाको निम्ति उल्लेख योग्य कार्य गरेर सफलता पूर्वक अभियान चलाएको इतिहास छ। यसैले म विदेश मन्त्रालयसित निवेदन गर्दछु कि यसको निम्ति उपयुक्त कदम अठाइयोस्। बजगाईँले यस दिशामा कार्य गर्नको निम्ति सुझाउहरू पनि प्रस्तुत गरेका छन्।
