आइसीसी प्रतियोगिता निर्णायक मोडमा पुगेको छ। अब भारत र वेस्ट इन्डिजबीच हुने आगामी खेल ‘भर्चुअल नकआउट’ अर्थात् क्वार्टरफाइनल सरह हुने भएको छ।
अघिल्लो खेलमा वेस्ट इन्डिज दक्षिण अफ्रिकासँग ९ विकेटले पराजित भयो। यस हारले उसको अंक मात्र घटेन, नेट रन रेटमा पनि ठूलो असर परेको छ। हारका बाबजुद वेस्ट इन्डिज हाल तालिकाको दोस्रो स्थानमा छ । यता, भारतले जिम्बाब्वेविरुद्ध शानदार जित निकाल्दै आफ्नो अंक र नेट रन रेट दुवै सुधार गरेको छ। तर त्यस जितपछि पनि भारत हाल तेस्रो स्थानमै रहेको छ।
समूहको शीर्ष स्थानमा दक्षिण अफ्रिका मजबुत देखिएको अवस्थामा सेमिफाइनलको बाँकी स्थानका लागि भारत र वेस्ट इन्डिजबीच कडा प्रतिस्पर्धा देखिएको छ। यस्तो अवस्थामा दुवै टोलीबीचको आगामी खेल जित्ने टोलीले मात्र सेमिफाइनल यात्रा कायम राख्नेछ भने हार्ने टोलीको यात्रा लगभग समाप्त हुनेछ।
यसै कारण भारत–वेस्ट इन्डिज खेल प्रतियोगिताकै सबैभन्दा महत्वपूर्ण र दबाबपूर्ण खेल बन्ने निश्चित छ, जसलाई क्वार्टरफाइनल सरहको भीडन्तका रूपमा हेरिएको छ।
