दार्जीलिङ,27 फरवरी बुधबारको दिन मिजोरमबाट आएका चर्चित अभिनेता, गीतकार डा. किङ गुनु घर्तीद्वारा निर्मित अभिनित चलचित्र वान मेन आर्मी-को सुटिङ स्थानीय दार्जीलिङका विभिन्न ठाउँहरूमा गरियो। यति वरिष्ठ कलाकार दार्जीलिङमा आएको खबर पाएर प्रख्यात सिने कलाकार पुकार गुरूङ, समाजसेवी साहित्यकार कृष्ण प्रधान प्रेरणा, आशा मटिल्डा गुरूङ, अनि देवराली रून्छ नाटकका अभिनेता मनबहादुर मुखिया तथा उनकी धर्मपत्नी, मिडियाकर्मी रूबेन गुरूङ, सुमित खाती, क्यामेरामेन बिनोद तामाङ, सहयोगी अभय राई लगायत अन्य कलाकारहरूको उपस्थितिमा प्रेस गिल्ड मिडिया हाउसमा खदा-मालाद्वारा सम्मान गरिसकेपछि साहित्यकार कृष्ण प्रधान प्रेरणा-द्वारा यस जमघट विषयमा जानकारी गराउँदै पहिले पुकार गुरूङ त्यसपछि डा. किङ गुनु घर्तीले वान मेन आर्मी फिल्मको उद्देश्य र औचित्यबारे विवरण दिए। राज्य सरकार र केन्द्र सरकारले आजसम्म गोर्खाहरूलाई न्याय दिनु नसकेको विषयवस्तुलाई प्रधानमन्त्री नरेन्द्र मोदीकै आवाजमा ‘गोर्खाको गोर्खाल्याण्ड धेरै पहिले दिनु पर्थियो वा यो धेरै अन्याय गुदैछ, भन्ने विषय पनि उक्त फिल्ममा देखाइने छ भनि एक प्रेस विज्ञप्ति मार्फत् मिडियाकर्मी रूबेन गुरूङले जानकारी दिएका छन्।
