नयाँ दिल्ली भ्रमणको क्रममा, दार्जिलिङका युवाहरूको टोलीले सांसद हर्ष वर्धन श्रृङ्गलाको नेतृत्वमा उपराष्ट्रपति सी.पी. राधाकृष्णनसँग राष्ट्रपति भवनमा भेट गरे। टोलीलाई स्वागत गर्दै उपराष्ट्रपतिले भने, “प्राकृतिक सौन्दर्य, समृद्ध संस्कृति र राष्ट्र निर्माणमा महत्वपूर्ण योगदान दिने क्षेत्रका जीवन्त युवा मनहरू भेट्न पाउनु ठूलो खुशीको कुरा हो।” उनले युवाहरूले परम्परागत पोशाकमा गर्वका साथ सजिएर आएको देखेर खुशी व्यक्त गरे र संस्कृतिको जन संरक्षण गर्न सबैको साझा जिम्मेवारी रहेको जोड दिए।
विकसित भारत र आत्मनिर्भर भारतको दृष्टिकोणमा बोल्दै उनले भारतको युवा जनसंख्यालाई राष्ट्रको सबैभन्दा ठूलो शक्ति भने। युवाहरूले नवीनता, इमानदारी र उद्यमशीलताका साथ योगदान दिनुपर्ने बताए। उनले स्मरणीय रूपमा भने, “जरालाई शक्ति तथा आकाङ्क्षालाई पखेटा बनाउनुहोस्।” प्रवास आर्थिक आकाङ्क्षाले प्रेरित स्वाभाविक प्रक्रिया हो तर पहिचान, संस्कृति र परम्परासँग जोडिनु आवश्यक छ भनी दोहोर्याए।
दार्जीलिङका विशेष अवस्थामा बोल्दै उनले चिया र पर्यटनमा आधारित अर्थतन्त्र भए पनि पहाडी क्षेत्रको पर्यावरणीय वास्तविकताले भारी उद्योगलाई सधैं सहयोग गर्न नसकेको बताए। पर्यावरणमैत्री र दिगो पर्यटन, विपद् प्रभावित पहाडी क्षेत्रमा तयारी र विपद् न्यूनीकरण पूर्वाधार गठबन्धन (सीडीआरआई) जस्ता प्रयासहरूको महत्वमा जोड दिए।
दार्जीलिङलाई उत्कृष्ट पर्यटन स्थलको रूपमा प्रशंसा गर्दै विश्वप्रसिद्ध दार्जीलिङ्ग चियाको गुणस्तरीय वृद्धि, प्रविधि सुधार र उद्यमशीलतामार्फत विश्वव्यापी ब्रान्ड मजबुत बनाउन, नक्कली रोक्न र चिया मजूरहरूसम्म फाइदा पुग्न दिनुपर्ने सुझाव दिए। खेलकुद पूर्वाधार र संस्थागत सहयोगबाट आधारभूत प्रतिभाको पोषण गर्न आवश्यक रहेको उल्लेख गरे।
युवाहरूलाई निर्देशन दिँदै केन्द्रित रहन, विचलनबाट टाढा रहन, भावनात्मक सन्तुलन कायम राख्न र राष्ट्र पहिलेको सिद्धान्त पालन गर्न आग्रह गरे। क्षेत्रीय आकाङ्क्षा राष्ट्रिय हितसँग मेल खाँदै अघि बढ्नुपर्ने बताए।
टोलीले उपराष्ट्रपतिको ज्ञान, प्रोत्साहन र सल्लाहका लागि गहिरो कृतज्ञता व्यक्त गरे। यो अवसरले श्रृङ्गलाको दार्जीलिङका प्रतिभाशाली युवालाई उच्च पदाधिकारीसँग जोडेर ग उनीहरूको आत्मविश्वास, दृष्टिकोण र राष्ट्रिय उद्देश्यलाई मजबुत बनाउने प्रतिबद्धता झल्काउँछ।
