थर्बु नन्दलाल गाँउका जपुन राई, रानु राई अनि नाै माइलका अनु तामाङकाे घर निर्माण माकपाले धमाधम गरिरहेकाे छ। यी तीन परिवार गत ४ अक्टोबरकाे विनाशकारी पैह्राेले घर विहीन बनेका थिए। आफ्नाे घर निर्माण गरिदिएकाेमा पैह्राे पीडीतहरू जपुन राई, रानु राई अनि अनु तामाङले आफूहरूलाई घरकाे खाँचाे थियाे। पैह्राेले घर क्षति गरेपछि सरकारले एक लाख बीस हजार रूपियाँ दिने घाेषणा गरेको थियो। घाेषणापछि आफूहरूले हालसम्म साठी हजार रूपियाँ मात्रै पाएको बताए। बर्खा लाग्न चार महिना जति छ। कहाँ बस्ने, घर कसरी बनाउने भन्ने सुर्ता थियाे। यस्ताे अवस्थामा माकपाका नेतृत्वहरू पीडीतहरूको साहरा बनेर आए अनि घर बनाई दिने घाेषणासङ्गै काम नै शुरू गरिदिए। यो कुराको लागि आफूहरूलाई धेरै खुशी प्रकट गर्दै माकपाप्रति आभार व्यक्त गरे। उनीहरूले हामीलाई चाहिएकाे घर थियाे, बनाउने पहल माकपा नेताहरू समन पाठक, सचिन खाती, किस्मत तामाङ चेतन गुरूङ, सुवर्ण राई आदिले गरिदिएको बताए।
इच्छाशक्ति छ भने सत्तामा नरहेर पनि काम गर्न सकिन्दाे रहेछ भन्ने उदाहरण उनीहरूले प्रस्तुत गरेकाे बताए। यता माकपा नेताहरू समन पाठक, सचिन खाती, किस्मत तामाङले विनाशकारी पैह्राेकाे चपेटमा परेर घर विहीन बनेका दार्जीलिङ पहाडका सातजना पीडीतहरूकाे घर निर्माण गर्ने निधाे माकपाले गरेकाे जसमा तीनवटा घर मिरिकमा निर्माण भइरहेको बताए। सत्तापक्षले पैह्राे पीडीतहरूकाे पुनर्वासमा कसैले चासाे नदेखाएकाे कारण हामीले घर निर्माणकाे पहल गरेका हाैं। हामी पैह्राे पीडीतहरूलाई बस्ने याेग्यकाे घर निर्माण गरिदिनेछाैं भने। माकपा नेताहरूले उक्त घर निर्माणमा श्रमिकहरूले श्रमदान गर्नेछन्। माकपाका गणसंगठनहरूबाट थाेपा थाेपा रूपियाँ संग्रह गरेर आवश्यक सामाग्री जुटाइने बताउँदै हामी घर विहिन पैह्राे पीडीतहरूलाई पानीकाे माैसमअघि ओत दिन चाहन्छाैं। घर निर्माणकाे प्रक्रिया एक महिनामा सक्ने हाम्राे लक्ष्य रहेकाे बताउँदै उनीहरूले अक्टाेबर महिनामा आएकाे विनाशकारी पैह्राेदेखि नै पीडीतहरूकाे अभाव र समस्या समधान गर्ने कार्य गरिरहेको बताए। आपदकाे बेला माकपा अनि माकपाका गण संगठनहरूले पीडीतहरूलाई आवश्यकता अनुसार राहत वितरण गर्ने कार्य गरेकाे थियाे।त्यस समय हामीले पैह्राे सफा गर्ने कार्य पनि गरेका थियाैं भने हाल हामी घर निर्माणमा लागिपरेकाे छाैं। निर्माण कार्य धमाधम भइरहेकाे बताए।
