काेराेना संक्रमणकाल कतिकाे लागि अभिषशाप भए पनि कतिकाे लागि वरदान साबित भएकाे छ। काेराेनाकालमा भएकाे लक डाउनकाे समयलाई सठीक सदुपयाेग गरि हाल सफल काष्ठकलाकारकाे रूपमा आफ्नाे छुट्टै परिचय गराउन सक्षम बनेका मिरिक महकुमा अन्तर्गत बुङकुलुङ बस्तीका पवन सुब्बा युवाहरूकाे लागि प्रेरणाकाे स्राेत बनेका छन्। सुब्बाले काेराेना संक्रमणकालमा भएकाे लकडाउनमा युट्युबमा काठ खाेप्न सिके अनि यत्रतत्र फालिएकाे काठकाे टुक्राहरूमा विभिन्न नामहरू खाेप्न थाले।काठ खाेप्ने क्रममा सर्वप्रथम सुब्बाले आफ्नाे रेष्टुरेन्टकाे नाम खाेपेर टाँसे।जसलाई देखेर काठमा खाेपेर नाम लेखाउनेहरू आउन थाले।यसपछि सुब्बा यसै पेशामा लागि परे अनि हाल उनी पेशागत काष्ठकलाकार बन्न पुगेका छन्। सुब्बा भन्छन् इच्छाशक्ति छ भने जे गर्न सकिन्दाे रहेछ। युट्युबबाट सिकेर नै मैले काठ खाेपेर नामहरू लेख्न थालें। विस्तारै माग र दाम दुवै राम्रो हुन थाल्याे। हाल यही पेशालाई अघि बडाएर राम्रोसँग आमदानी गरिरहेकाे छु। सुब्बाले आफूले काठमा विभिन्न नामहरू खाेप्ने जाे पाँच सयदेखि पाँच हजार रूपियाँसम्म विक्री भइरहेकाे जानकारी गराउँदै आफूले खाेपेकाे काठ भारत अनि नेपालभरिकाे विभिन्न ठाउँमा विक्री हुने गरेकाे बताए।तिनले काठमा विभिन्न नामहरू खाेप्ने कार्य सङ्गै माैरी बस्ने आधुनिक बक्सा पनि बनाउने गरेकाे जानकारी गराउँदै काठकाे काममा खुबै आनन्द लाग्ने गरेकाे बताए। सुब्बाले आफूले जानेकाे कला अरूलाई पनि सिकाउन तयार रहेकाे जानकारी गराउँदै काष्ठकलामा लागेर मजाले जीवन धान्नल सकिने बताए।
