जीवन अधिकारीद्वारा लिखित र सङ्गीतवद्ध अनि उत्तम अधिकारी र गायिका ममता छेत्रीद्वारा गाइएको “दार्जीलिङ यही हो” रिलिज गरिएको छ।
यो गीत दार्जीलिङको गोर्खा दु:ख निवारक सम्मेलनमा तीन दशकअघि आयोजित संगीत प्रतियोगितामा जीवन अधिकारी स्वयंले गाएर प्रथम स्थान प्राप्त गरेका थिए।
यो अलबमको अडियो संयोजन अनि रेकर्डिस्ट – शामुएल शामुद्वारा हिलिङ अक्टेव्स सुडियो, सिलगढीमा गरिएको छ। भीडीओको दृश्याङ्कन 15 दिनअघि मात्रै दार्जीलिङको तकभर चियाबारीको लेप्चा बस्ती, चौथो विभाग र अरू ठाउँमा गरिएको थियो। निर्माता – उत्तम अधिकारी रहेको अलबमको दृश्याङ्कन – नवीन ओम लोम्जेलद्वारा गरिएको छ। अभिनय निर्देशिका – सविना सिंह रहेकी छिन् भने अर्जुन शिवाकोटी अनि स्मृति मुखियाले अभिनय गरेका छन्। यो गीतको भीडीओलाई युट्युबको JU Adhikari Digital मा हेर्न सकिन्छ।
स्मरण रहोस् अधिकारी दाजु-भाइको जन्मस्थान तकभर चियाबारीको लेप्चा बस्ती भएको हुनाले आफ्नो प्यारो गाउँलाई सम्झना गरेका छन्। किनकि वर्तमान समय सिलगढी क्षेत्रमा बसोवास गर्दै आएका छन्। यसक्रममा यो गीत मेरो किशोरावस्था अनि आफ्नो जन्मस्थान सित भावात्मक रूपमा जोडिएको कारणले गीतको छायाङ्कन गर्न आफ्नो जन्मस्थल तकभर, लेप्चा बस्ती सम्म पुगेर छायाङ्कन सम्पन्न गराएको उत्तम अधिकारीले बताए। उनले यो गीत सबैलाई हेरेर लाइक, सब्सक्राइब र सेयर गरिदिने अनुरोध गरेको छन्।
