कालेबुङ जिल्लाधिकारीलाई अजय एडवर्डसले
बाटोको निर्माण कार्य सही रूपमा नभएको जन गुनासो छ,निरक्षण कार्य गरियोस् भन्दै लेखे पत्र।
सडक निर्माणको निरीक्षण गर्ने माग गर्दै एडवर्डसले कालेबुङ जिल्लाधिकारीलाई पत्रचार गरेको बताएका छन्। गत 11 र 12 फरवरी 2026 को दिन कालेबुङ जिल्लाको रोंगो तोदे जलढका आदि क्षेत्रको भ्रमणमा गएका थिए। त्यस अवधि स्थानीय मानिसहरूले सडकको निर्माण कार्यहरूमा गुणस्तर नभएको आदि जस्ता गुनासोहरू एडवर्डस समक्ष पोखेका थिए। जन गुनासोहरूलाई ध्यानमा राख्दै उनले कालेबुङ जिल्लाधिकारीलाई पत्रचार गरेको बताए।
उक्त पत्रमा कालेबुङ जिल्ला अन्तर्गत मण्डल गाउँदेखि चुमोङ जाने बाटोको निर्माण कार्य लगायत अन्य निर्माण कार्यहरूमाथि जन गुनासोलाई समेटेर लेखेका छन्।कालेबुङ जिल्लाको गोरूबथान खण्ड अन्तर्गत मण्डल गाउँदेखि चिउलाखा नेहुले हुँदै चुमोङसम्मको पथ श्री योजनाद्वारा सडक निर्माण कार्य भएको छ। तोदे ताङ्ता ग्राम पंचायतको नाममा 5 हजार किलो मिटर लम्बाई रहेको बाटो निर्माणको राशी रूपियाँ 3,69,28,14 बताएका छन्।
बाटोको निर्माण कार्य निम्न स्तर भएको स्थानीय मानिसहरूले गुनासो रहेको छ।मैले कालेबुङ जिल्लाधिकारीलाई सडकको निर्माण कार्यको निरक्षण गर्ने अनुरोध गरेको उनले बताए।जिल्लाधिकारीलाई सडकको निरीक्षणसंग संगै बाटोको निर्माण कार्य ठिक भएको छ कि छैन,जुन क्षेत्रको बाटो निर्माण कार्यको निम्ति आएको राशी त्यही क्षेत्रमा प्रयोग गरिएको छ कि छैन साथै बाटोको निर्माण कार्यमा प्रयोग गरिने सर सामग्री हरू सही रूपमा प्रयोग गरेको छ कि छैन यी विषयहरूको निरीक्षण गर्ने कालेबुङ जिल्लाधिकारीलाई अनुरोध गरिएको छ।
स्मरण रहोस् जीटीए क्षेत्रमा निर्माण भएका बाटोदेखि लिएर अन्य सबै विषयहरूमा धेरै जन गुनासो रहेको छ। धेरैवटा बाटोहरू निर्माण भएको एक दुई महिना नबित्दै बाटो जीर्ण अवस्थामा पुगेको जन गुनासोहरू रहेको छ। जनताको नाममा आएको राशी सही रूपमा प्रयोग गरिएको छैन। त्यसकारण पहाडबासीहरूले हुनसम्मको समस्याहरू भोग्न परिरहेको छ।
