क्रान्तिकारी मार्क्सवादी कम्युनिस्ट पार्टीले सोमबारदेखि नयाँ दिल्लीको जन्तर मन्तरमा दुइदिने गोर्खाल्यान्डको माग गर्दै धर्ना-प्रदर्शन गरिरहेको छ। पार्टीले केन्द्र सरकार लाई भारतीय गोर्खाहरुलाई उनीहरुको दीर्घकालीन मागलाई पूरा गर्ने संकल्पको सम्झना दिलाउँदै आफनो पूर्व निर्धारित दुई दिने धर्ना कार्यक्रमको प्रथम दिन क्रामाकपाको कार्यकारी सभापति कमरेड बी. एम. राईको सभापतित्वमा आयोजन गरिएको थियो।
उक्त धर्ना कार्यक्रममा क्रामाकपामा केन्द्रीय नेतृत्वहरू शेखर छेत्री, उद्दव खनाल, राजु राई, केन्द्रीय प्रवक्ता अरुण घतानी अनि गक्रानामो महासचिव कमरेड सञ्जिला तामङले वक्तव्य राखे। क्रामाकपा दिल्ली राज्य कमिटीका नेता उत्तम छेत्री अनि अतिथी वक्ता पुरण लोहारले पनि वक्तव्य राखे।
वक्ताहरुले विगत पन्द्र वर्षदेखि केन्द्र सरकारले गोर्खाहरुलाई उनीहरुको माग पूरा गर्ने संकल्प अनि प्रतिवद्धताको सम्झनाद दिलाँउदै देशको सीमा रक्षा गर्ने अनि बंगालमा बीजेपीको प्रथम एमपी जसवन्त सिंंहलाई दार्जीलिङ्ग लोक सभाामा गोर्खाहरुले गोर्खाल्यान्डकै निम्ति जिताएपछि आहालुवालिया अनि राजु बिष्टलाई पनि लगातार जिताए तापनि गोर्खाहरुको माग किन पूरा हुँदैन भन्दै प्रश्न गरे। यसरी नै बंगाल बिधान सभा चुनाव अघि केन्द्र सरकारले गोर्खाहरुलाई न्याय दिनु पर्छ भन्ने माग राखे।
बंगालको तृणमुल सरकारले विभिन्न षडयन्त्र रचेर गोर्खाहरुलाई अल्प संख्यक बनाउने, आफनो जमिनबाट उच्छेद गर्ने अनि गोर्खा जातिलाई जात जातमा बाँडेर, टुक्रा-टुक्रा बनाउने षड्यन्त्रको घोर बिरोध गरे अनि आलोचना गरे। धर्ना कार्यक्रममा क्रमाकपाका सयौं कार्यकर्ताहरुले भाग लिएका थिए भने धरै मात्रमा दिल्लीमा बस्ने गोर्खाहरुको पनि व्यापक उपस्थिति रहेको थियो।
