दार्जीलिङ, 1 फरवरी (निसं): डीएलसीए दार्जीलिङ साथै सोसियल वेलफेयर सेक्सन वन स्टप सेन्टर दार्जिलिङको आयोजनामा आज दार्जीलिङ सुधार गृहमा नशा मुक्त भारत अभियान अन्तर्गत जनचेतना मुलक नाटक उज्यालो तर्फ मञ्चन भएको सूत्रद्वारा जानकारी प्राप्त भएकोछ।
जानकारी अनुसार, वैष्णवी प्रडक्शन नाट्य टोलीद्वारा नशालु प्रदार्थ, ड्रग्स अनि एचआईभी रोगलाई लिएर एउटा हाँस्य रसमा आधारित जनचेतना मुलक नाटक मञ्चन गर्दै सुधार गृहकाहरुलाई मनोरञ्जन साथमा जनचेतना प्रदान गरियो। कार्यक्रमा मुख्य रुपमा डीएलसीए सचिव न्यायाधीश रुथ प्रिया खाइबा, लोक अधिवक्ता जयन्ती देवान, सुधार गृहका अधिकारिहरु लगायत सोसियल वेलफेयर सेक्सन-को तर्फबाट प्रतिज्ञा राई अनि सुवर्ण प्रधान, पीएलभी उपेन छेत्रीको उपस्तिथी रहेको थियो। वैष्णवी प्रडक्शनका नाट्य टोलीबाट कलाकार रिना राया, शिवानी छेत्री अनि आदित्य रायाले मनमोहक प्रस्तुति दिएका थिए। यसरी नै नशालु प्रदार्थ अनि ड्रग्स बिरुद्धमा गरिएको सिग्नेचर क्याम्पेन-मा पनि उपस्थित सबैले हस्ताक्षर गर्दै नशा मुक्त भारत अभियानलाई थप व्यापकता दिएको सूत्रले बताएकोछ।
