खरसाङ, (निसं): खरसाङ वन विभागको टुकड़ियाझार फरेस्ट रेञ्ज क्षेत्र अन्तर्गत सीमा क्षेत्रमा अवैध रूपमा दखल गरिएको वन विभागको जमिन खाली गराउने एवं अवैध निर्माणलाई हटाउने कार्य गरियो। अवैध प्रकारले वन विभागको जमिन दखल गर्दा के-कस्ता कानूनी कार्वाही हुन्छ त्यस विषयमा पनि स्थानीय मानिसहरूलाई जानकारी एवं सचेत गराइयो। खरसाङ वन विभागद्वारा वन क्षेत्रको विभिन्न ठाउँमा अवैध दखलको विरुद्ध कार्वाही चलिरहेको जानकारी पाइएको छ। यसै कार्वाही अन्तर्गत टुकरियाझार फरेट रेञ्ज अन्तर्गतको सीमा क्षेत्रमा दखलकारीहरूलाई हटाउने कार्य गरिएको हो।
खरसाङ वन विभाग अधिकारी देवेश पाण्डेले जानकारी साझा गरे अनुसार, पश्चिम बंगाल वन विभागद्वारा सी-डीएसीको तक्निकीको सहयोगले खरसाङ वन प्रभाग सहित पश्चिम बंगाल वनको विभिन्न प्रभाग अन्तर्गत आरा मिल मालिकहरूलाई लिएर एउटा प्रशिक्षण कार्यक्रम पनि सम्पन्न गरिएको छ। यस बाहेक खरसाङ वन विभाग अन्तर्गत साँंपलाई सुरक्षित राख्न अनि वन कर्मीहरूको सुरक्षाको निम्ति एउटा सांँप बचाव प्रशिक्षण कार्यशालाको पनि आयोजन गरिएको जानकारी खरसाङ वन अधिकारीद्वारा गराइएको छ।
खरसाङ वन विभाग अनुसार, खरसाङ वन विभागको विभिन्न रेञ्ज अन्तर्गत प्रति वर्ष 6 सय भन्दा पनि धेर साँप उद्धार गरेर सुरक्षित स्थानमा छोड्ने कार्य गरिन्छ। यस प्रकारको कार्यशालाले सांँपको संरक्षण संगै सांँपबाट स्थानीय मानिसहरूको सुरक्षा एवं वन कर्मीको सुरक्षामाथि पनि जागरूकता ल्याउने छ। सांँपले प्रकृतिको पारिस्थितिक सन्तुलनमा महत्वपूर्ण योगदान दिइरहेको छ। कार्यशाला अन्तर्गत सांँपको रक्षा अनि स्थानीय मानिसहरूको सुरक्षा पनि सुनिश्चित गर्ने विषयमाथि जोर दिएको थियो। उक्त कार्यशालाको आयोजन विभिन्न सम्बन्धित पक्षको सहयोगमा गरिएको थियो भने खरसाङ वन विभागद्वारा ती सबै सहयोगी व्यक्ति विशेष अनि संस्थानप्रति पनि कृतज्ञता व्यक्त गरियो।
