रेलिङ गाउँ सुधारद्वारा नागरिक सम्मान

दार्जीलिङ, 1 फरवरी (निसं): रेलिङ गाउँ सुधार समाज (पूर्व धर्म समाज )-को बार्षिक आमसभामा समाजका कर्मठ दुइ सदस्यहरूलाई नागरिक सम्मानले सम्मानित गरियो। गाउँ सुधार समाजका सभापति एमबी गुरूङको अध्यक्ष्यतामा सम्पन्न सभामा बिष्णुकान्ता शर्माले स्वागत मन्तव्य राखेको कार्यक्रममा समाजका कर्मठ सदस्यद्वय क्रमशः आशबहादुर खालिङ अनि गर्जमान राईलाई समाजप्रति दिएको योगदान, निष्ठा अनि ईमानदारीको कदर गर्दै नागरिक सम्मान गरियो । उनीहरूलाई समाजका सभापति एमबी गुरूङ, उपसभापति रणबहादुर गुरूङको बहुलीबाट खादा, शिर शोभा पहिराएर सम्मान पत्रद्वारा सम्मानित गरियो।आश बहादुर खालिङअनि गर्जमान राईले गत दिनहरूमा समाजमाथि आएको उतार-चढाउ हुँदा पनि अडिक भएर विभिन्न कार्यहरू समाजमा परेको बेलामा विपरीत परिस्थितिमापनि समर्पित बनेर जिम्मेवारी वहन गर्दै आइरहेका छन। उनीहरूले निस्वार्थ रूपमा आफ्नो कर्तव्यनिष्ठा  पूर्वक आफ्नो जिम्मेवारी पालन गरेको छ। यसका साथै उनीहरूको समाजप्रतिको सोँच, विचार अनि योगदान अति नै सराहनीय रहेका छन् । यसरी आफुहरूलाई सम्मान जनाएकोमा खुशी लागेको भन्दै सम्मानितद्वय आशबहादुर खालिङ अनि गर्जमान  राईले समाजप्रति आभार प्रकट  गरेको गाउँ सुधार समाज पुर्व  (धर्म समाज)-को तर्फबाट जनाएकोछ।