लामाहट्टा ग्राम पञ्चायत कार्यालयमा एसआईआर हेयरिङ  

दार्जीलिङ, 31 जनवरी(निसं):स्पेसियल इन्टेन्सिभ रिभिजन(एसआईआर) प्रक्रियाको हेयरिङ लामाहट्टा ग्राम पञ्चायत कार्यालयमा सम्पन्न भयो। गत 26 जनवारीको दिन पनि लामाहट्टा ग्राम पञ्चायत कार्यालयमा नै हेयरिङ भएको थियो भनी पञ्चायतले जानकारी गराएकोछ।जानकारी अनुसार, विशेष लामाहट्टा ग्राम पञ्चायतका सबै वार्ड एवं बुथ वा पार्ट-का मतदाताहरुको उपस्थिति रहेको थियो।  उनीहरुलाई हेयरिङ वा सुनुवाईको निम्ति बोलाइएको उपस्थित मतदाताहरुले बताए। यस  सुनुवाईमा यस्ता मतदाताहरु थिए जसको मतदाता सूचीमा बाबाको नाम गलत, उम्र नमिलेको वा बाबा-छोराको उमेरमा भिन्नता, आदि जस्ता समस्याको कारण सुनुवाईको लागि बोलाईएको थियो।  यस बारे लामाहट्टा ग्राम पञ्चायत प्रधान मञ्जु वाईबाले बताए , मतदाता विशेष गहन संसोधन प्रक्रिया माथि सुचारु रुपमा सुनुवाई वा हेयरिङ भईरहेकोछ। सुनुवाईमा आउने हरेक मतदाताहरुको सुविधाको निम्ति आज पनि सुनुवाई राखिएको गत 26 जनवारीको दिन पनि राखिएको थियो भने आज जति पनि हेयरिङ-मा छोडिएका मतदाताहरु छन् उनीहरुको निम्ति हेयरिङ राखिएको हो। प्रधान वाईबाले भनिन्, यस हेयरिङमा ग्राम पञ्चायतका सबै वार्डहरुका मतदाताहरु जो गत दिनमा गरिएको हेयरिङमा छूटन गए वा उपस्थित हुन सकेका थिएनन, उनीहरुसँगै सबैलाई बोलाइएको थियो। उक्त हेयरिङको निम्ति खण्ड कार्यलयबाट एईआरओ, अब्जर्भर, माईक्रो अब्जर्भर सुपरभाईजर-को उपस्थिति रहेको थियो।