केन्द्रीय गृहमन्त्री अमित शाहले जनवरी ३१ मा सिलगढीमा भाजपाको उच्चस्तरीय बन्द ढोका संगठनात्मक बैठक गर्ने भएका छन्। २०२६ को पश्चिम बंगाल विधानसभा चुनाव नजिकिँदै गर्दा शाहले दार्जीलिङ, सिलगढी, जलपाईगडी, अलिपुरद्वार अनि कुचबिहारका भाजपा नेतृत्वलाई लिएर शाहले उत्तराको बन्द कोठामा भाजपाको उच्चस्तरीय बैठक गर्ने भएका छन्। यस बैठकमार्फत उत्तर बंगालमा भाजपाको चुनावी तयारी औपचारिक रूपमा सुरु हुने जनाइएको छ। बागडोगरा विमानस्थल नजिकै गोसाईंपुरस्थित उत्तरामा आयोजना हुने यस इनडोर बैठकमा कुचबिहार, अलिपुरद्वार, जलपाईगुडी, दार्जिलिङ र सिलगढीका भाजपा विधायक, सांसद तथा संगठनात्मक नेताहरू सहित ५,००० भन्दा बढी कार्यकर्ताहरू सहभागी हुने जानकारी पाइएको छ।
अमित शाह दिउँसो ३ बजे सिलगढी आइपुग्ने र सोही साँझ फर्कने कार्यक्रम छ। पार्टी स्रोतका अनुसार गृहमन्त्रीले २०२४ को लोकसभा तथा अघिल्ला विधानसभा चुनावको समीक्षा गर्दै आगामी चुनावका लागि रणनीति तय गर्नेछन्। साथै उत्तर बंगालमा जारी मतदाता नामावलीको विशेष गहन संशोधन (SIR) बीच राजनीतिक अवस्थाबारे पनि छलफल हुनेछ। यसैबीच, तृणमूल कांग्रेस (टीएमसी) ले भाजपाको गतिविधिको राजनीतिक प्रतिरोध गर्ने घोषणा गर्दै भाजपाका कार्यक्रमस्थलहरूमा समानान्तर बैठक आयोजना गर्ने तयारी गरेको जनाएको छ। किनकि भाजपाले पश्चिम बङ्गालमा आफ्नो सरकार गठन गर्ने प्रयास गरिरहेको छ भने तृणमूल कांग्रेसले आफ्नो सत्तालाई निरन्तरता दिन घुँडा धस्नेछ।
