खरसाङ, (निसं): भारतको उच्च पदमा रहेका औ हाल दार्जीलिङ पहाड तराइ डुवर्सको मुद्दा हल गर्न केन्द्र सरकारले वार्ताकार नियुक्ति गरेका पूर्व उप-राष्ट्रिय सुरक्षा सल्लाहकार पंकज कुमार सिंहलाई सम्पूर्ण पहाड़, तराई डुवर्सका गोर्खा समाज साथै गोर्खा अनुसुचित जाति (कामी, दमाई, सार्की) को पाक्षबाट अनुसूचित जाति फोरमका केन्द्रिय अध्यक्ष राजेश गजमेरले स्वागत जनाएका छन्। स्वागत जनाउँदै गजमेरले वार्ताकारसँगको भेटघाटले सम्पूर्ण गोर्खा जातिको सपना स्थायी राजनैतिक समस्याको निम्ति मात्र कुरा राख्ने सबै लाई सुझाव राखेका छन्।
तिनले यो भेटघाट कुनै जीटीआर र बीडीआर जस्तो सस्तो व्यवस्थामा नटुङ्गियोस् भन्दै बंगालबाट छुटिने व्यवस्थामा मात्र वार्ता होस भनि सुझाव राख्दै केवल फोटो सेसन र राजनैतिक खेल नहोस् भनि निवेदन गरेका छन्। गजमेरले अब हुने कुनै पनि व्यवस्था दुवै राजनैतिक र संवैधानिक व्यवस्था हुनुपर्छ जसमा सबै गोर्खा समुदायले संवैधानिक हक पाएको हुनुपर्छ, अनुसुचित जाति र अनुसूचित जनजातिको संविधानले दिएको आधारमा सिट आरक्षण हुनपर्छ भन्नेजस्ता विषयमाहरू वार्ताकार समक्ष राख्ने पनि बताएका छन्। तिनले गत केही वर्षदेखि दागोपाप अनि जीटीएको समयमा अनुसूचित जातिले धेरै समस्याको सामना गर्न परेको औ उनीहरूको हक र अधिकार हनन भएकोले नै अब हुने कुनै पनि व्यवस्थामा तिनीहरूको हक अधिकार हनन् न होस् भनि अब हुने कुनै पनि व्यवस्थामा अनुसूचितहरू छोड़िन हुँदैन भन्दै चाँडै अनुसूचित जातिको राष्ट्रिय स्तरको जनसभा पनि हुने अवगत गराएका छन्। यसको लागि सबै शाखा प्रमुखहरूसँग सर सल्लाह भाइरहेको र समय अनि दिन पनि चाँडै सर्वाजनिक गरिने जानकारी गराउँदै सभामा विगत सुकुनामा भन्दा पनि अझ धेर अनुसूचित जाति भेला हुने पनि बताएका छन्।
