रिम्बिक,23 जनवरी (निस): गोर्खा जनमुक्ति मोर्चा(गोजमुमो) केन्द्रीय प्रतिनिधि नरेन्द्र काम्बाङले सत्ता बिरुद्ध मोर्चा खोल्दै भ्रष्टाचारको आरोप लगाएका छन। उनले एक प्रेस विज्ञप्ति जारी गर्दै जीटीए(गोर्खाल्याण्ड टेरिटोरियल एड्मिनिस्ट्रेसन) सभाको एक नम्बर समष्टि रिम्बिकलोधोमा समष्टि भ्रष्टाचारमा पनि एक नम्बर भएको बताएका छन।काम्बाङले सरकारी तहको सबै विकासमुखी काममा व्यापक धाँधली भएको भन्दै केवल जनतालाई झुकाउदै भ्रमको राजनीति मात्र चलिरहेको बताए। उनले स्थानीय सभासद नोर्देन शेर्पाको भेद खोल्दै जन प्रतिनिधिको हिसाबमा उनले भ्रष्टाचार बिरुद्ध ठोस कार्यवाही गर्न नसकेको मनशाय पोखे। यसका साथै काम्बाङले भ्रष्टाचार बिरुद्ध अङ्कुस लगाउनुको साटो टेवा दिइरहेको गम्भीर आरोप लगाए। उनले भने, जन प्रतिनिधि भएकोले सभासदले कमसेकम बिकास मुखि काममा भईरहेको भ्रष्टाचारको संज्ञान लिनु पर्ने दायित्व थियो तर सभासद स्वयं नै कामहरुमा साझेदारी (पार्टनरशीप) अनि धेरै ठूलो रकम कटमनिको रुपमा उठाएर चलिरहेको छ। सभासदले कार्वाही नगरेपनि काम राम्रो वा गुणस्तरीयता अनि समयसिमामा सिद्धाउने तिर जोड दिन सक्थे सुझावको रुपमा तर सभासदबाट यति काम पनि भएन, उनले बताए। भ्रष्टाचारको पैसाले सजिएको सत्ताको रमझम अनि धाधँलीको पैसाले षोषण पाएको चौकिले कदाचित जनहितमा आवाज उठाउनु नसक्ने काम्बाङले थपे।
आफ्नो बिज्ञप्तिमा गोजमुमो नेताले, रिम्बिक लोधोमा क्षेत्रमा व्यापक भ्रष्टाचार अनि धाधँली भएको समष्टि रुपमा परिचित रहेको बताए। उनले बाटो ,पानी,समाज भवन,कृषि ,सबै गरेर गत 2017 सालदेखि लगभग 350 करोडको योजनाहरुको सठिक कार्यनयन नभएको आम्बाङले आरोप लगाए।
