खरसाङ, (निसं): यो वर्ष जाड़ोको मौसममा पनि खरसाङ्मा पर्यटकहरूक आगमन राम्रो रहेको पाइएको छ। वर्तमानमा पनि खरसाङ बजारमा विभिन्न स्थानबाट आएका पर्यटकहरू घुमिरहेको, प्राकृतिक दृश्य, सानो रेलको मनोरम दृश्य अवलोकन गरिरहेका देखिन्छन् भने कतिपय यहाँको विभिन्न पर्यटन स्थलहरूमा घुम्दै गरेका, फोटो खिच्दै गरेका, भिडियो बनाउदै गरेका पाइन्छन्। वर्तमानमा पनि दार्जीलिङ हिमालय रेलवेको सानो रेलमा पनि पर्यटकहरूको संख्या सन्तोषजनक पाइएको छ। खरसाङ बजार वरिपरि होमस्टे सञ्चालन गर्नेहरू मध्ये कतिपयले यस वर्ष तिनीहरूको होमस्टेमा यो जाड़ो मौसमको त्यति धेरै प्रभाव नपरेको बताएका छन्। खरसाङ्को डाउहिल फरेस्ट इको पार्क, बरबुङ्को हनुमान डाँड़ा, गिद्धे पहाड़कको रक गार्डन अनि अन्य पर्यटन स्थलहरमा पर्यटकहरूको चहल-पहल यो जाड़ोको मौसममा पनि राम्रो पाइएको छ। यो जाड़ोको मौसममा पनि आइतवारको दिन यहाँको डाउहिलस्थित फरेष्ट इको पार्कमा पर्यटकहरू लिएर आएको गाड़ी पार्किङ गर्नलाई स्थान नरहने गरेको, त्यहाँका दोकानहरू राम्ररी सञ्चालन भइरहेको क्षेत्रका मानिसहरूले बताएका छन्। यसको अतिरिक्त वर्तमाना जाड़ोको मौसममा पनि सिटोङ क्षेत्रमा पर्याप्त सख्यामा पर्यटकहरू गइरहेका चालकहरूले बताएका छन्। खरसाङ अनि वरिपरि क्षेत्र पर्यटन पूर्वाधारहरूको अझ बढ़ी विकास गरिएको खण्डमा र पर्यटकहरूको सुविधाको निम्ति गाड़ी पार्किङ स्थल निर्माण गरिएको, शहरको स्वच्छतालाई अधिक ध्यान दिइएको अनि पर्यटक अनुकुल वातावारणको विकासमा अझ बड़ी ध्यान दिइएको खण्डमा खरसाङ्मा पर्यटकहरूको आगामना अझ बढ़ोत्तरी हुने पर्यटनसित सम्बन्धित मानिसहरूको मत छ।
