बहुचर्चित गायक सन्तोष बराईली गुरू राम विष्टकहाँ

ईशाई जगतका बहुचर्चित गायक सन्तोष बराईलीको एकल एलबम (अनन्तको माया) जस्को बिगत २२ नोभेम्बर २०२५ को दिन भब्य ताको साथ सिक्किममा गरिएको थियो। सन्तोष बराईलीको पहिलो रिकर्डिङ्ग गीत (हिउँको फूलले सजिएको) भन्ने गीत गाएर २०१२ मा ईशाई जगतमा प्रवेश गराउने मौका राम विष्ट तिमोथीले पाउन सकेका थिए, जुन गीत सिक्किम, भूटान, दार्जीलिङ, नेपालको धेरैवटा मञ्चमा गाएर गायन यात्रा शुरु गरेको जिउँदो साक्षी उनी रहेका थिए।
सिक्किम रेसीबाट पुमोङ आएर गीत सिकेर दार्जीलिङ गई रिकर्डिङ्ग गर्ने अति नै परिश्रमी नम्र र आज्ञाकारी कलाकार हुन् सन्तोष बराईली गायन क्षेत्रमा एक अब्बल दर्जाको गायक बन्न सफल मात्रै होइन यसपल्ट अनन्तको माया नामक एलबममा विभिन्न संगीतकार हरुको १७ वटा गीतहरु यस एलबममा समावेश छन्। सबै गीतहरु मीठो गायनद्वारा प्रस्तुत गरेर एक परिपक्व गायकको ठाउँ ओगट्न सफल भएका छन् सन्तोष बराईली।
त्यसै लोकार्पण कार्यक्रमको संझना रुपी मायाको चिन्ह लिएर ज्योति नगर सिलगढीमा सोमबार राम विष्ट तिमोथीकहाँ आइपुगेका थिए। उन्नतिले आकाशको जुन छोए पनि गुण भने नभुल्ने गायक हुन् सन्तोष बराईली। यसक्रममा सन्तोषलाई तिमोथीले धन्यबाद सहित आशीर्वादको प्रार्थना गरिदिए।