बिभिन्न चालक एशोसिएसनका चालकहरूले जनाए अनित थापालाई समर्थन: पहाड सही चालकको हातमा कुदिरहेको छ। दार्जीलिङ्ग ओल्ड क्यापिटल टावर ड्राइभर वेलफेयर एशोसिएसन, जज बजार पिक अप भ्यान वेलफेयर एशोसिएसन, ब्लूमफिल्ड बरबटे, बि सि एम आर एस, मेरीबोंग स्याण्डीगेट, आर यू बि एम एस, बंगाली मंदिर (ब्यानेक बर्न )का चालक दाज्यु भाइहरूले BGPM को नीति, सदभाव अनि पहाडको हितमा गर्ने कार्यको प्रशंसा गर्दै पार्टीलाई समर्थन जनाएको छ। आगामी चुनाउ BGPM कै पक्षमा रहने दाबी गरेका छन्।
दार्जीलिङ्ग जज बजार स्थित पार्टीको केन्द्रीय कार्यलयमा चलीरहेको भेटघाट कार्यक्रममा उहाँहरूले पार्टी अध्यक्ष अनित थापाको उपस्थितिमा आफ्नो समर्थन दिएका हुन्। चालक प्रतिनिधिले भने, ” हामी चालक दाज्यु भाइहरूले सोचेर , बुझेर अनि छलफल गरेर नै अनित दाज्युलाई समर्थन दिएका हौं। जसरी गाडीमा चालकहरुले प्यासेन्जरको सुरक्षालाई ध्यानमा राख्दै उनीहरूलाई गन्तव्यमा पुर्याउँछौं त्यसरी नै अनित थापाको नेतृत्वले पहाडलाई सुरक्षा दिएको छ अनि पहाडलाई सही गन्तव्य तिर लगेको छ। पहाड सही चालकको हातमा कुदिरहेको छ।”
