बिजनबारी,17 जनवरी(निसं): शुक्रबार बिजनबारी खेल मैदानमा आईजीजेएफ- को समर्थन कार्यक्रम भव्य रूपमा सम्पन्न भयो। यसदिन कार्यक्रम अध्यक्ष मोहन सुब्बा अनि प्रमुख अतिथी अजय एडवर्ड विशिष्ट अतिथीहरु सदर-1 दार्जीलिङका सभासद प्रतिम सुब्बा, एनबी खवास, गोपाल परियार, चुङथुङ मेरीबुङ तामसाङ समष्टि सभापति महेन्द्र राई, भीम सुब्बा अन्य उपस्थित थिए। सूर्य कुमार राईद्वारा सञ्चालित कार्यक्रममा प्रमुख अतिथी अजय एडवर्डले दार्जीलिङ पहाड़मा अवसरवादीहरूले सपाप्त गरिरहेको जनाए भने गोरामुमो, क्रामाकपा, गोजमुमो आदि क्षेत्रिय पार्टीहरू भाजपाको कारणले सक्दै गइरहेको उनले बताए। यसरी नै बिहार, आन्ध्र प्रदेश, तमिलनाडु जस्तो राज्यहरुमा पनि भाजपाले क्षेत्रीय पार्टीहरुलाई हराइसकेको अवगत गराए। आज दार्जीलिङ पहाड़मा गोरामुमोलाई बीजेपीले दयनीय अवस्थामा पुर्याइसकेको आईजीजेएफ प्रमुख एडवर्डले आरोप लगाएका छन्। यसपल्ट मिथुन चक्रवर्ती र हेमा मालिनी जस्तोहरुलाई भोट दिनु हुँदैन भनी उनले सुझाव दिए। अब बीजेपी-ले गोर्खा जातिलाई झुक्याउनु सक्दैन र गोर्खा दाजु-भाईहरुले पनि अब बीजेपी-को
षडयन्त्र बुझ्नु पर्छ भनि उनले आह्वान गरे। सिक्किम राज्यमा पनि मुख्यमन्त्री पीएस गोलेलाई बीजेपीले दिल्लीको अरविन्द केजरीवाललाई जस्तो जेल हाल्नु नपरोस् भनेर धम्क्याएको उनले जनाए। त्यस समय नेपाली भाषी एमपी,एमएलए किन मौन बस्यो भनि उनले प्रश्न गरे। यस पल्ट सबै गोर्खा दाजुभाई अनि दिदी-बहिनीहरुले बुझ्नु पर्ने अनुरोध अनि सुझावहरु उनले राखे। यसदिन समर्थन कार्यक्रममा आईजीजेएफ-माभाजपा, बीजीपीएम,गोरामूमोबाट लगभग 4 सय जना सामेल भए। नयाँ सदस्यहरूलाई खादा लगाएर आईजीजेएफ-को झण्डा पनि एडवर्डले प्रदान गरे।
