खरसाङ, (निसं): खरसाङ बजारदेखि 2 किलो मिटर तल रहेको पङ्खाबारी रोडमा गत 4 अक्टोबरको दिन गएको पैह्रो अहिलेसम्म मरम्मती नगरिएको जनसाधरणको गुनासो छ। यहाँ पैह्रो गएको स्थानमा ट्राफिक कोणहरू लगाएर बारिएको अवस्थामा रहेको र प्लास्टिकले छोपिएको अवस्थामा रहेको छ। उक्त पैह्रोको कारण गाड़ी चलाचलमा कुनै बाधा नरहेको भए तापनि पैह्रो गएको स्थानमा रातिको समय दुर्घटना हुन सक्ने सम्भावना रहेको मानिसहरूले बताएका छन्। यसरी रोडको किनारमा पैह्रोले लगेको अवस्थामा रहेकोले कुनै कुनै समय दुई तर्फबाट गाड़ी आउदा पास हुनलाई समस्या हुने गरेको पनि मानिसहरूले बताएका छन्। खरसाङ्को शितलु बस्ती निवासी एक युवाले आफू बुधवार फाटक डाँड़ा गएको समय पङ्खाबारी रोडमा गएको पैह्रो अहिलेसम्म मरम्मती नभएको देखेर आश्यर्च लगाको बताए। तिनले पैह्रो गएको समयदेखि वर्तमानसम्म उक्त पैह्रो जस्ताको तस्तै अवस्थामा रहेको पनि बताए। रोडको किनारमा गएको पैह्रो मरम्मती नगरिएकोले कुनै समय दुर्घटना घट्न सक्ने पनि तिनले बताए।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
