एडवर्डसले श्रद्धालुहरूलाई बुद्धगया, राम मन्दिरको दर्शन गर्न पठाउने

श्रद्धालुहरूलाई तीर्थ स्थानहरूको दर्शन गराउने कार्यहरलाई हामी यथावत राखेको बताउँदै इण्डियन गोर्खा जन शक्ति फ्रण्टका केन्द्रीय संयोजक अजय एडवर्डसले शिघ्रनै श्रद्धालुहरूलाई बुद्धगयाको दर्शन गर्न श्रद्धालुहरूलाई पठाउने तय गरेको बताए। बुद्धगया दर्शनको क्रममा हामीले श्रद्धालुहरूलाई अयोध्याको राम मन्दिरको दर्शन गर्न पठाउने योजना बनाइसकेका छौ।हामीले श्रद्धालुहरूलाई धार्मिक स्थलहरूको विगत धेरै अघिदेखिनै दर्शन गराउदै आइरहेका छौं। विगत दिनमा हामीले नेपालको पवित्र तीर्थ स्थान पाथीभरा माता तथा मन्दिरको दर्शन गराउने कार्यहरू गराइसकेका छौ।त्यसरी नै बिहार राज्यको पवित्र तीर्थ स्थान बौद्धगया सिक्किमको गुरू पद्मसम्भव मूर्तिको दर्शन गराउने कार्यहरू गर्दै आइरहेका छौं। त्यसरी नै इसाई धर्मावलम्बीहरुलाई खरसाङको सन्त मेरिज ग्रोटो आदि स्थानहरूमा दर्शनको निम्ति पठाउदै आएका छौं। हाम्रो लागि आस्था कुनै नारा होइन, आस्था भनेको सेवा हो, आस्था भनेको पहुँच हो, आस्था भनेको गरिमा हो। हामीले यो पहल विशेष गरि चिया बगान क्षेत्रहरूमा बसोबासो गर्ने साथै ग्रामीण क्षेत्रहरूको मानिसहरूको निम्ति ध्यानमा राख्दै शुरू गरेका हौं। उनीहरूको पवित्र भावनाहरूको कदर गर्दै हामीले श्रद्धायात्रा कार्यक्रम शुरू गरेका हौं। जनताको माया र आर्शिवाद पायौं भने हामी सबै धर्मावलम्बीहरुलाई उनीहरूको पवित्र स्थानहरूको दर्शन गर्न पठाउने वाचा गर्छौ। हामीलाई विश्वास छ, हामी जनताको माया र आर्शिबाद पाएर अवश्यै शासनमा आउने छौं। हामी शासनमा आएपछि हामी हाम्रो वाचाहरू अवश्यै पूरा गर्ने छौं। प्रत्येक वर्ष हिउँदोमा साथै वर्ष ऋतुको समयमा हामी विना भेदभाव सबै धर्मलाई एक सम्मान हेर्ने छौं अनि पवित्र तीर्थ स्थानहरूको दर्शन गर्न पठाउने अजय एडवर्डसले बताए।।