गोर्खा राष्ट्रिय नारी संगठन कालेबुङ कमिटीकी अध्यक्षा पदमा साङ्गे लहमु शेर्पा चयन भएकी छिन्। आज कालेबुङ आर सी मिन्त्री रोड (सीके चोक) जगन्नाथ भवनमा गोर्खा राष्ट्रिय नारी संगठन केन्द्रिय समितिको प्रमुख उपस्थितिमा सांङ्ठनिक सभा सम्पन्न भएको थियो। सभामा विशेष संगठन सुदृढीकरण र आगामी कार्ययोजनालाई प्रभावकारी बनाउने उद्देश्यले नयाँ गोरानासं कालेबुङ समिति गठन गरियो। केन्द्रीय समितिका प्रतिनिधिहरूको उपस्थितिमा सम्पन्न उक्त बैठकले संगठनात्मक संरचनालाई थप मजबुत बनाउने निर्णय गरेको हो।
बैठकबाट सर्वसम्मत रूपमा निम्नानुसार पदाधिकारी तथा सदस्यहरू चयन गरिएको छ। नवगठित कालेबुङ गोरानासं अध्यक्षा पदमा साङ्गे लहमु शेर्पा, उपाध्यक्षामा मञ्जु गुरुङ, सचिवमा फुलमाया राई, उपसचिवमा रञ्जु मिश्र, कोषाध्यक्षामा शारदा डङ्गाल अनि अनिता शर्मा चयन भएका छन् भने कार्यकारिणी सदस्याहरुमा डोमा शेर्पा, सुकुमारी ग्याबा, लक्ष्मीमाया तामाङ अनि कुसुम छेत्री चयन गरिएका छन्। यसैगरी, गोर्खा राष्ट्रिय नारी संगठन केन्द्रीय समितिको प्रतिनिधिवर्गको निम्ति कालेबुङ गोरानासंबाट कल्पना लामा (ब्लक–१), सविना तामाङ (ब्लक–२), रिमा भुजेल (ब्लक–३), कुसुम तामाङ (कमिटी–टाउन), धनमाया भुजेल अनि शकुनतला मेरी चयन गरिएका छन्। नवगठित गोरानासं कालेबुङ समिति अनि गोरानासं केन्द्रीय समितिको निम्ति चयन भएका प्रतिनिधिवर्गलाई गोरानासं केन्द्रीय समिति अध्यक्षा मणिकला तामाङ अनि गोरामुमो कालेबुङका प्रतिनिधिवर्ग अनि केन्द्रीय समिति सदस्यगणद्वारा श्रद्धा लगाएर स्वागत जनाउँदै वधाइ अनि शुभकामना व्यक्त गरियो। बैठकको अन्त्यमा नवगठित समितिका पदाधिकारीहरूलाई संगठनको नीति, सिद्धान्त र उद्देश्यप्रति निष्ठावान रही जनताको हितमा काम गर्न आग्रह गरिएको थियो। सहभागी नेताहरूले एकतावद्ध भएर पार्टी अध्यक्ष मन घिसिङको हात बलियो बनाएर गोर्खा जातिको लक्ष्यहरू हासिल गर्नुपर्नेमा जोड दिएको गोरामुमो सञ्चार प्रभारी दिनेश साम्पाङले जानकारी दि छन्।।
