दार्जीलिङ, 9 जनवरी(निसं): सरकारद्वारा आगनबाडी केन्द्रहरुमा खाना पकाउने ग्यासको व्यवस्था गरिएको भएपनि ग्यास चुला राख्ने टेबल नभएकोले आगनबाडी केन्द्रहरुमा कार्यरत कर्मचारीहरु समस्यामा परेको गुनासो उठेकोछ। यसैलाई ध्यानाकर्षण गर्दै हिल तराई आगनबाडी कर्मी-सहकर्मी सङ्गठनले दार्जीलिङ-पुलबजार खण्ड विकास अधिकारीलाई उनको कार्यालयमा सौहार्दपुर्ण भेटघाट गर्दै यसबारेमा ध्यानाकर्षण गराएकोछ।
साङ्गाठनिक केन्द्रीय अध्यक्ष पुष्प लामाको नेतृत्वको टोलिले पहाडभरिका केन्द्रहरुमा ग्यास टेबल अथवा स्लाप समयमा नबिएकोले आगनबाडी कर्मीहरुले समस्या भोग्नुपरीरहेको बताएकी छन्। जानकारी अनुसार, आगनबाढी केन्द्रहरुमा ग्यास सिलिण्डर तथा चुला दिएको भएपनि यसलाई राख्ने टेबल अथवा स्लाप बनाउने दिशानिर्देश छ। यद्यपि यसको निर्माण स्थानीय निकायमा पञ्चायतले गर्नुपर्ने भनिएको भए पनि त्यसबारेमा ठोस कुनै पहल भएको छैन। जसको कारण आगनबाडी केन्द्रहरुमा भुइँमा चुलो राख्नुपर्ने वाध्यता छ।
उनले अझै भनेकी छन्, हामीलाई चुलो भुईमा राख्नुमा समस्या होइन तर केन्द्रमा आएका बालबालिकाबाट आगोबाट बचाउनु चुनौती छ। यसैका साथै टोलीले सम्बन्धित निकायले यसबारेमा गम्भीर ध्यानाकर्षण गर्दै यथाशीघ्रको बनाइदिने माग समेत खण्ड बिकास अधिकारी मार्फत गरिएको भेटघाटपछि पुष्प लामाले बताइएकी छन्।
अर्कोतिर, उक्त भेटवार्तालाई आफुले गम्भीरतापुर्वक लिने त यसबारेमा खण्ड बिकास सगै पन्चायतबाट सकेसम्म चाडै पहल गरिदिने आश्वासन खण्ड विकास अधिकारीले दिएको बताइएको छ।प्रतिनिधि टोलीमा पुष्प लामा बाहेक सङ्गठनका खण्ड स्तरीय प्रतिनिधिहरुको उपस्थिति रहेको थियो।
