पुलबजार, 8 जनवरी (निसं): दार्जीलिङ- पुलबजार कृषि विभाग साथै जीटीए-को संयुक्त तत्त्वधानमा कृषकहरूलाई लिएर विभिन्न प्रकारको कृषि औजार प्रदान गरिएको छ। जीटीए कृषि विभागीय सभासद सतिश पोखरेलको प्रमुख उपस्थितिमा सम्पन्न कृषि फार्म बिजनबारीमा भएको कार्यक्रममा डिपुटी डाइरेक्टर कृषि विभाग दार्जीलिङका पार्थ रोय, सहकृषि निर्देशक रापदेन भुटिया, सहकृषि निर्देशक दार्जीलिङ पुलबजार खण्ड बिजनबारीका धिरेन क्षेत्री, खण्ड प्राविधि अधिकारी निङ्गमा शेर्पा आदिको विषेश उपस्थिति रहेको थियोे ।
सहप्राविधि अधिकारी हेमकुमार क्षेत्रीद्वारा सञ्चालित कार्यक्रममा जीटीए कृषि विभागीय सभसाद सतिश पोखरेलले बोल्दै भने, कृषि विभाग अनि जीटीए कृषकहरूको साथमा सदैव खडा रहेको बताए। उनले कृषकहरूलाई सकेसम्म सहयोग पुर्याउने वचन पनि दिएको छ। कार्यक्रममा कृषकहरूले कृषि विभागबाट सब्सिडीमा कुन कुन प्रकारको कृषि औजारहरू पाउन सकिन्छ भन्नेबारेमा कृषि सहनिर्देशक धिरेन क्षेत्रीले प्रकाश पारे । यसका साथै विभागमा चलिरहेको विभिन्न योजनाहरू साथै कृषि औजारको महत्वबारे डिपुटी डाइरेक्टर कृषि विभाग दार्जीलिङ पार्थ रोयले कृषकहरूलाई जानकारी दिएका छन। आजको कार्यक्रममा कृषकहरूलाई जम्मा 46 भन्दा धेरै कृषि औजारहरू प्रदान गरिएको सहप्राविधि अधिकारी हेमकुमार क्षेत्रीले जानकारी दिए।
