मिनरल स्प्रीङ, 1 जनवरी: यस वर्षको अन्तिम सप्ताह अनि नयाँ वर्ष आगमनको छेका पारेर विभिन्न स्थानबाट घुम्न अनि छुट्टी बिताउन आएका पर्यटकहरुको उपस्थितिले मिनरल स्प्रीङको विभिन्न स्थानमा रहेको होमस्टेहरुमा निकै चहलपहल बढेको देखिएको छ। यस वर्षको अन्तिम सप्ताह साथै नयाँ वर्षको आगमनको अवसर पारेर घुम्न अनि छुट्टी बिताउन आएका पर्यटकहरुको संख्यामा पनि निक्कै वृद्धि भएको देखिएको छ। यहाँ अवस्थित विभिन्न होमस्टेहरुमा पर्यटकहरू आउने अनि जाने क्रम दैनिक रूपमा भइरहेको स्थानीय होमस्टे सन्चालकहरूले बताएका छन्। केही दिन अघि सम्पन्न बड़ा दिन तथा क्रिसमसको अवसर पारेर पनि धेरै पर्यटकहरू यहाँका होमस्टेहरुमा बास बस्न आएका थिए भनी होमस्टे सन्चालकहरूले जनाएका छन् भने आगामी नव वर्षको निम्ति पनि धेरै बुकिङहरु रहेको बताएका छन्।
अहिले मिनरल स्प्रीङ अन्तर्गतका विभिन्न गाउँहरुमा विभिन्न नाम रहेका निजामती अनि लिजमा सन्चालित होमस्टेहरू छन्। यहाँको आँपबोटे गाउँमा सन्चालित शान्ति कुन्ज होमस्टेका सन्चालक केवल तामाङसित पर्यटकहरुको आगमनबारे जान्न चाहँदा अहिले धेरै संख्यामा पर्यटकहरू आईरहेको बताए। मिनरल स्प्रीङ क्षेत्र भीडभाडदेखि अलग्गै रहेको हुनाले पनि यहाँ पर्यटकहरू आउन रुचाएको बताए। उनले आफ्नो होमस्टेसित स्वीमिङ पुल पनि संलग्न रहेको,रिभर साइड पिकनिक, दार्जिलिङका अन्य पर्यटकीय स्थलहरूको भ्रमणको सुविधा साथै स्थानीय तथा जैविक भोजनको व्यवस्था जस्ता विशेषताहरु रहेको जनाए।
मिनरल स्प्रीङको शान्ति कुन्ज होमस्टेमा बास बस्न आइपुगेकी कलकत्ता निवासी पर्यटक दीपशिखा तिवारीसित आफ्नो भ्रमणबारे जान्न चाहँदा उनले आफ्नो परिवार र साथीहरूसित यहाँ आएको जनाउँदै यहाँ बस्नुको अविस्मरणीय अनुभव रहेको बताइन साथै सबै कुराको राम्रो व्यवस्था साफ सफाई आदि पनि राम्रो रहेको हुनाले अझै केही दिन बस्ने मन भएको जनाइन् । यस्तै प्रकारले यो समाचार लेख्दा लेख्दै यहाँको तथ्यगत फार्म अनि होमस्टेमा पनि नदियाका एक हुल पर्यटकहरुको आगमन भएको देखियो भने गोदाम धुरा गाउँका विभिन्न होमस्टेहरुमा पनि पर्यटकहरुको आगमन भ ईरहेको जानकारी प्राप्त भएको
