बिहीबार मिरिकमा हर्षाेल्सासकाे साथमा प्रभु यशु ख्रीष्टकाे जन्माेत्सव क्रिसमस पर्व पालन गरिेएको थियाे। यहाँकाे विभिन्न चर्चहरूमा क्रिसमस पर्व भब्यरूपमा पालन गरिएकाे देखिएको थियाे। गत वर्ष झैं यसवर्ष पनि मिरिक गुड न्युज ब्यापटिज चर्चमा चर्चका प्रमुख रेभरेन्ड एन. जाेशुवा शर्माकाे अगुवाइमा क्रिसमस पर्व हर्षाेल्सासकाे साथमा पालन गरिएको थियाे। डिकन डानियल राईले प्रभु यशुकाे प्रार्थनाबाट शुरू भएकाे कार्यक्रममा रेभरेन एन जाेशुवा शर्माले प्रभु यशुकाे जिवनी र क्रिसमस पर्वबारे विस्तृत जानकारी गराएका थिए। यस अवसरमा क्षेत्रका धेरै इसाई समुदायका मानिसहरू उपस्थित थिए।प्रभु यशु जन्माेत्सवमा केक काटेपछि शुरू भएकाे कार्यक्रममा विभिन्न मण्डलीबाट गीत, नृत्य आदि पनि प्रस्तुत गरियाे। मिरिककाे अन्य चर्चहरूमा पनि क्रिसमस पर्व पालन गरिएकाे जानकारी प्राप्त भएकाे छ भने क्याराेल खेल्ने कार्यक्रम पनि जारी रहेकाे छ। रेभरेन्ड एन. जाेशुवा शर्माले मिरिककाे सबै चर्चहरूमा बिहीबार क्रिसमसपर्व हर्षाेल्लासकाे साथमा पालन गरिएकाे जानकारी गराँउदै सबैलाई क्रिसमस पर्वकाे शुभकामना दिएका थिए। तिनले यसवर्ष दिन घमाइलाे भएकाेले भब्यताकाे साथ सांगीतिक कार्यक्रमहरू आयाेजना गरेर प्रभु यशुकाे श्रद्धा अनि भक्तिकाे साथ आरधना गरिएकाे जानकारी गराँउदै यसबर्ष चर्चमा व्यापक इसाई लगायत अन्य समुदायका मानिसहरू भेला भएर एकता अनि बन्धुत्वकाे संन्देश पनि प्रवाह गरिएकाे बताए। तिनले कार्यक्रममा वयोवृद्धहरूलाई सम्मान गरियाे भन्दै चर्चले प्रत्येक बर्ष नै वयोवृद्धहरूलाई सम्मान जनाउने कार्य गरेकाे बताए। तिनले यशुकाे वचन साथै क्रिसमस पर्व कसरी अर्थपूर्ण पालन गर्न सकिन्छ यसबारे पनि विस्तृत जानकारी गराए। कार्यक्रममा एक अर्कामा क्रिसमसकाे शुभकामना साथै उपहार आदन प्रदान पनि गरिएको थियाे।
यता क्रिसमस पर्वलाई ध्यानमा राखेर मिरिक पर्यटन केन्द्रमा पर्यटकहरूकाे चहल पहल पनि आज अधिक देखिएको थियाे।
