दार्जीलिङ, 20 दिसम्बर(निसं): दार्जीलिङ शहरमा प्रत्येक बिहीबार लाग्ने गोर्खे हाटले चर्चा र प्रसिद्धि कमाएर लोकप्रिय बनिरहेको समय अहिलेघरी हाटमा सरसमानको मूल्य बजार भाउको तुलनामा घेर रहेको जनगुनासो लक्ष्य समूह नामक सामजिक संस्थाकहाँ आएपछि संस्थाका संयोजक राजेश गुरूङले उक्त हाट देखरेख गर्ने सम्बन्धित पक्षले अनुशासनको दायराभित्र रहेर सरसमानको मूल्य तय गर्नुपर्ने आह्वान गरेको छ।
संस्थाको एउटा प्रतिनिधि टोलीले गएको बिहीबार गोर्खे हाट पुगेर सरसमान खरीददारी गर्नुको साथै चिजबिचको मूल्यबारे सोधी खोजी गर्दा साग सब्जीको दाममा फरक पाएको जनाउँदै राजेश गुरूङले भने, गोर्खे हाटलाई लामो समयसम्म चलाउनु हो भने सटीक मूल्यमा सरसमानहरू बिक्री गर्न आवश्यक छ। ताकि मानिसहरू हाटमा आएर
सरसमानहरू किनोस्। यदि सरसमानको मूल्य अधिक बढ़ेर गए यो हाट लामो समयसम्म नचल्न पनि सक्छ। हाम्रै बेकारी भाई बहिनीहरूले केही गरोस् भनी हिमालय कला मन्दिरबाट गोर्खे हाट शुरू गर्दा ८/९ वटा संघ संस्थाहरूमा हामीले पनि सहयोग गरेको
हो। गोर्खे हाट जैविक खाद्य पदार्थको निम्ति शुरू गरिएको भए तापनि यहाँ सिलगढ़ीबाट पनि साग सब्जीहरू ल्याएर बिक्री गरिरहेको सन्देह गुरूङले व्यक्त गरे। उनले भने, हाटमा सरसमानको दाम बजार भाउ भन्दा तलमाथि भएको गुनासो हामीलाई
आएको थियो। त्यसैले हामी निरीक्षण गर्न आएको हो। हामी फेरि पनि आइरहनेछौँ। जसको देखरेखमा यो गोर्खे हाट चल्दैछ, उनीहरूले पनि सरसमानको मूल्यमाथि ध्यान दिइयोस्, गुरूङले थपे। यस अवसरमा संस्थाका अरू प्रतिनिधिहरू पनि उपस्थित थिए।
